Esik qalasynda zorlanǵan Jibek Mýsınova áleýmettik jeli arqyly muńyn shaqty
ASTANA. QazAqparat - Esik qalasynda oryn alǵan atyshýly qylmystyq árekettiń qurbany bolǵan Jibek Mýsınova feısbýktegi paraqshasynda osy ýaqytta quzyrly organdar tarapynan qaralyp jatqan iske qatysty oryn alǵan jaǵdaı týraly jazǵan.
Naqtyraq aıtqanda, Jibek óziniń qorqynyshqa toly, jabyrqaýly kóńil-kúıi týraly atqan.
«Dostar! Men Sizderge basymnan ótken jaǵdaı týraly aıtqym kelip otyr. Barlyqtaryńyz bilesizder, meniń isim boıynsha sot otyrystary ótip jatyr. Jaqynda sot ol boıynsha úkim de shyǵarady. Árbir sot protsesinde meni týǵandarym men jaqyndarym qoldap otyr. Ókinishke oraı, maǵan zorlyq-zombylyq kórsetkender de qol qýsyryp otyrǵan joq. Sot otyrystary aıaqtala salysymen olar maǵan qoqan-loqy kórsetip, qorqytyp, úrkitkenderin qoıar emes. Olardyń barlyǵy meniń zorlyqshylarymnyń dostary. Olar: «Eger analardy sottaıtyn bolsa, biz búkil Esik qalasyn saǵan qarsy qoıamyz!», deıdi.
Men ózim úshin qoryqpaımyn. Men úshin qorqynyshty jaǵdaı bolyp qoıdy. Men ózimniń jaqyndarym úshin qorqamyn. Men ózime kúsh kórsetkenderdiń dostarynyń menen qalaı kek alaıyn dep júrgenin bilmedim. Eger bul adamdar zorlyqshylardy qoldap otyrsa, onda olardyń qolynan bári keledi. Maǵan ózimdi jaqsy tanıtyn klastastarym men dostarym qoldaý kórsetip otyr. Meniń olarǵa alǵystan basqa aıtarym joq. Alaıda, maǵan zorlyq kórsetkenderdi de qoldaýshylar az emes bolyp tur. Meni alańdatatyny sol. Olar meni kýágerlerdiń kózinshe qorqytady. Mundaı adamdardan ne kútýge bolady ?»,-dep jazdy Jibek paraqshasyna.
Aıta keteıik, buǵan deıin Jibek Mýsınovanyń anasy áleýmettik jeli arqyly qyzyn birneshe adam zorlap ketkendigi jóninde habarlap, halyqtan arasha túsýin suraǵan edi. Qoǵamnyń úlken talqysyna túsken qylmystyq isti oblystyq ІІD óz baqylaýyna aldy.
Qylmystyq is sotqa da joldandy. Kúdikti retinde ustalǵan tórt azamat birneshe bap boıynsha aıyptalyp otyr. QR QK-niń 125-babynyń 2-bóliginiń 1-tarmaǵymen, QR QK-niń 120-babynyń 2-bóliginiń 1-tarmaǵymen, QR QK-niń 121-babynyń 2-bóliginiń 1-tarmaǵymen, QR QK-niń 293-babynyń 2-bóliginiń 1-tarmaǵymen A.J.Bektursyn, N.T.Eltaı, QR QK-niń 125-babynyń 2-bóliginiń 1-tarmaǵymen, 120-babynyń 2-bóliginiń 1-tarmaǵymen, QR QK-niń 121-babynyń 2-bóliginiń 1-tarmaǵymen A.A. Ermekov, E.N.Ermekovke qatysty qylmystyq is 04.10.2016 jyly sotqa tústi.
