Esik qalasynda sırek kezdesetin jaıra vıdeoǵa túsip qaldy

NUR-SULTAN. QazAqparat – Jeli qoldanýshylary Esik qalasynyń kóshe kezip júrgen jaıranyń (kirpiksheshen túri) vıdeosyn taratty, dep habarlaıdy QazAqparat tilshisi.

«Bizdiń Esik qalasyndaǵy Abaı kóshesin jaıra kezip júr», - dep jazdy Іnstagram-daǵy @novosti_issyka paraqshasy.

Ekologııa, geologııa jáne tabıǵı resýrstar mınıstrligi atalmysh vıdeo týraly túsinikteme berdi.

«Qazaqstan faýnasynda bul tuqymnyń jalǵyz túri Mańǵystaýdyń ońtústiginde, Talas, Qyrǵyz jáne Іle Alataýynda, Qarataýda, Shý-Іle taýlarynda kezdesedi. Almaty oblysynyń aýmaǵynda Іle Alataýynda kezdesedi. 20 ǵasyrdyń birinshi jartysynda Almaty qalasynyń mańynda keń taraǵan. Taralý aımaǵy Túrgen ózeniniń alqabyna deıingi aýmaqty qamtıdy. Nátıjesinde antropogendik faktor óziniń tarıhı aýmaǵynan yǵystyryldy», - deıdi vedomstvonyń baspasóz hatshysy Samal Ibraeva.

Іle-Alataý memlekettik ulttyq tabıǵı parkiniń derekteri boıynsha, Іle Alataýy men oǵan irgeles aýmaqtar sheginde Úndi jaırasynyń sany shamamen 30-dan asady.