Esik qalasynda qyz zorlaǵandardy prokýror 11 jylǵa bas bostandyǵynan aıyrýdy surady

TALDYQORǴAN. QazAqparat - Esiktegi «zorlaý» oqıǵasyna baılanysty memlekettik aıyptaýshy tórt aıyptalýshyny 11 jyldan bas bostandyǵynan aıyrýdy surady, dep QazAqparat tilshisine bergen suhbatynda Jibek Mýsınovanyń qorǵaýshysy Aıman Ýmarova málim etti..

Eske sala keteıik, qoǵamnyń úlken rezonansyn týdyrǵan oqıǵa boıynsha Eńbekshiqazaq aýdanynyń sotynda sot talqylaýy ótken bolatyn. Jabyq rejimde ótken sot protsesi boıynsha tórt adam: Ashat Bektursyn, Eltaı Nurbol, Almas jáne Erbol Ermekovterdiń isi qaralýda. Osyǵan baılanysty memlekettik aıyptaýshy Esik qalasynyń turǵyny Jibek Mýsınovany zorlaǵan degen tórt aıyptalýshyny 11 jylǵa bas bostandyǵynan aıyrýdy surap otyr. Sot úkimi 15 qarasha kúni shyǵatyn bolady.

Jibek Mýsınovanyń advokaty, bul protseske qatyspaýym múmkin  dep otyr.

Jábirlenýshini zorlaǵan degen kúdikpen tórt azamat birneshe bap boıynsha aıyptalyp otyr. QR QK-niń 125-babynyń 2-bóliginiń 1-tarmaǵymen, QR QK-niń 120-babynyń 2-bóliginiń 1-tarmaǵymen, QR QK-niń 121-babynyń 2-bóliginiń 1-tarmaǵymen, QR QK-niń 293-babynyń 2-bóliginiń 1-tarmaǵymen A.J.Bektursyn, N.T.Eltaı, QR QK-niń 125-babynyń 2-bóliginiń 1-tarmaǵymen, 120-babynyń 2-bóliginiń 1-tarmaǵymen, QR QK-niń 121-babynyń 2-bóliginiń 1-tarmaǵymen A.A. Ermekov, E.N.Ermekovke qatysty qylmystyq is 4 qazan kúni sotqa tústi.  Aıta keteıik, buǵan deıin Jibek Mýsınovanyń anasy áleýmettik jeli arqyly qyzyn birneshe adam zorlap ketkendigi jóninde habarlap, halyqtan arasha túsýin suraǵan edi. Qoǵamnyń úlken talqysyna túsken qylmystyq isti oblystyq ІІD  óz baqylaýyna alǵan bolatyn.