Esik qalasynda 20 jastaǵy stýdent asylyp qaldy
ALMATY. QazAqparat - Almaty mańyndaǵy Esik qalasynda 20 jastaǵy stýdent asylyp qaldy, dep habarlaıdy QazAqparat tilshisi.
Oqıǵa Esik qalasy pedagogıkalyq kolledjinde bolǵan. Marqumnyń denesin kýrstastary jataqhananyń balkonynda asylyp turǵan jerinen tapqan.
Almaty oblystyq PD baspasóz hatshysy Kóbeıhan Nurahmet atalǵan derekti rastady.
«Bul jaǵdaı 24 qańtarda tańerteń tirkelgen. Esik qalasyndaǵy kolledjdiń jataqhanalarynyń birinde asylyp qalǵan qyzdyń denesi tabyldy. Qazir Eńbekshiqazaq aýdany polıtsııa qyzmetkerleri atalǵan derek boıynsha tekserý júrgizip jatyr. Eń aldymen ózine-ózi qol salý nusqasy qaralady», - dedi Kóbeıhan Nurahmetov
Boıjetkenniń VK áleýmettik jelisindegi sońǵy jazbalaryna sáıkes, ol osy ómirmen qoshtasqysy kelgen. Sońǵy ret 24 qańtarda túngi 2:17-de paraqshasyna kirgen.
Sońǵy jazbasynda anasynan keshirim suraǵan. 2 qańtardan bastap paraqshasynda ómirdiń jalǵandyǵy týraly jazbalarmen bólisip otyrǵan.
«Eger men bul ómirde joq bolyp ketsem, jylamańyzdar» degen jazbany ol 2 qańtarda jarııalaǵan.
Áleýmettik jelide qyzdyń dáriger aldyna barǵan qaǵazy taralyp jatyr.
Jazba astyna komment qaldyrǵandardyń aıtýynsha, boıjetken júkti bolyp qalǵan bolýy múmkin.
