Esigin qulyptaýdy umytqan keıýananyń úıin tonap ketti
ÓSKEMEN. QazAqparat – Óskemen qalasynyń turǵyny 79 jastaǵy zeınetkerdiń úıine túsip, 200 myń teńgelik teledıdaryn urlap ketken, dep habarlaıdy QazAqparat.
Qalalyq Polıtsııa basqarmasy baspasóz qyzmetiniń málimetine súıensek, jýyqta Úlbi polıtsııa bólimshesine kelgen qart adam belgisiz bireýdiń úıine túskenin aıtyp aryz jazdy. Anyqtalǵandaı, tonaýshy qulyp salynbaǵan esik arqyly ishke kirip, as bólmedegi ústel ústinde turǵan «LG» markaly teledıdardy urlap ketken. Osynyń saldarynan jábirlenýshige 200 myń teńge mólsherinde materıaldyq zalal keltirilgen.
«Jedel izdestirý sharalaryn júrgizgen tártip saqshylary kóp uzamaı kúdiktini qolǵa túsirdi. 41 jastaǵy jumyssyz er adam óz kinásin tolyqtaı moıyndap otyr. Qazirgi ýaqytta oǵan qatysty QR Qylmystyq kodeksiniń 191-baby 3-bóligi (tonaý) boıynsha sotqa deıingi tergeý amaldary júrgizilýde», - dep habarlady vedomstvo ókilderi.
