Eshteńe istemeýdiń paıdasy bar - The New York Times

Degenmen, qolyńnyń bos bolmaýy biz oılaǵandaı joǵary stýtýstyń kórsetkishi emes. Al únemi qozǵalysta bolý túrli aýrýlarǵa shaldyqtyryp, densaýlyqqa keri áser etedi. Bul jaǵdaıdan shyǵý úshin durys tamaqtanyp, sportpen aınalysý kerektigi túsinikti. Degenmen, eshteńe istemeý, gollandtar aıtpaqshy, nıksenniń de paıdasy bar», - dep jazady The New York Times basylymy. Avtor «eshteńe istemeý» degen sózge naqty anyqtama berýdiń qıyn ekenin jazady.

«Іsh pysý sezimin zertteıtin psıholog Dorın Dodjen-Megı «Tsıfrlyq álemdegi ómir men tehnologııa tepe-teńdigi» atty kitapta nıksendi toqtap turǵan, biraq qozǵalǵyshy jumys istep turǵan kólikpen salystyrady. Al Ulybrıtanııadaǵy Lankashır ortalyq ýnıvesıtetiniń psıhology Sendı Mann nıksen adamnyń isteýi kerek áreketterdi istemeýi dep túsindiredi», - delingen maqalada.

Atap ótilgendeı, mysaly, nıksen ıdeıasy ýaqytyń men energııańdy sanaly túrde terezege bos qarap otyrý nemese qozǵalyssyz bir orynda otyryp ótkizýge saıady.

«Adamdar mundaı áreketterdi ýaqytty bosqa ótkizý nemese jalqaýlyq dep ataıdy. Mádenıet mundaı áreketti quptamaıdy. Degenmen, bul árekettiń psıhologııalyq densaýlyqqa, ómir sapasyna, jumys ónimdiligi men ómirdiń basqa salalaryna paıdasy kóp. Tehnologııa jaǵdaıdy ońaılatpaıdy. Únemi qolymyz tımeı, bos ýaqytymyzdyń bolmaýy mıdy ózgertedi.Sol úshin eshteńe istemeýdiń paıdasy zor», - dep jazady avtor.

Zertteýshilerdiń aıtýynsha, esh nársemen aınalyspaǵan kezde adamdar kóp armandaıdy. Bul kreatıvti oılaýǵa, problemalardyń sheshimin tabýǵa septigin tıgizedi.

«Eshteńe istemeı bos otyrý jumys ónimdiligin arttyra alady. Sol úshin adamdar ádeıi eshteńe istemeı bos otyratyn ýaqyt tabýlary kerek. Únemi jumysbasty bolý mádenıetine qarsy turatyn kez keldi. Nıksen jalqaýlyq belgisi emes, bul ómirdiń mańyzdy daǵdysy», - dep jazady The New York Times.