Eshkiólmes petroglıfterine qaýip tónip turǵany ras pa

TALDYQORǴAN. KAZINFORM – Jetisý oblysy ákimdigi jelide jarııalanǵan Eshkiólmes petroglıfterine qatysty keıbir aqparattardyń shyndyqqa sáıkes kelmeıtinin málimdedi.

Ákimdiktiń habarlaýynsha, ýákiletti organdardy tarta otyryp, Eshkiólmes jotasyndaǵy petroglıfterdiń aınalasyndaǵy jaǵdaıdy jan-jaqty zerdeleý maqsatynda arnaıy komıssııa qurylǵan.

Al Joǵarǵy Talapty shaǵyn sý elektr stantsııasynyń (GES) qurylysy barysynda bóget salý qarastyrylmaǵan. Qurylys jumystary tek ózen arnasy sheginde júrgizilip otyr. 

«Ekologııalyq kodekstiń №2 qosymshasy, №3 bólimi, №2 tarmaǵyna sáıkes, nysan ІІІ sanatqa jatady. Bul degenimiz – qorshaǵan ortaǵa áseri eleýsiz. Atalǵan jaıt Almaty oblysy ákimdigi tarapynan 2022 jylǵy 19 qańtarda berilgen ekologııalyq ruqsat qujatymen rastalǵan», – delingen ákimdik taratqan aqparatta. 

Komıssııa jumysynyń nátıjesi boıynsha qosymsha aqparat taratylatyny da aıtyldy.

Eske salaıyq, strategııalyq mańyzy bar sý sharýashylyǵy qurylystarynyń tizimi taǵy bir nysanmen tolyqqany jaıly aıtqan bolatynbyz.

Sonymen qatar, «Qambar ata» GES-i Ortalyq Azııanyń energetıkalyq áleýetin nyǵaıtatyny týraly jazǵan edik.