Eshkim olardyń qolynan ustap alǵan joq – Erulan Jamaýbaev shetelden aqsha alǵandardyń tizimi jaıly

Májilistiń jalpy otyrysynan keıin BAQ ókilderiniń saýalyna jaýap bergen Qarjy mınıstri Erulan Jamaýbaev sheteldik kózderden qarajat alyp kelgen qazaqstandyqtardyń tizimine qatysty túsinik berdi, dep habarlaıdy QazAqparat tilshisi.

«Bul jerde eshkim olardyń (tizimge engen azamattar – avtor túsindirmesi) qolynan ustap alǵan joq. Esep berý kerek ekenin bilesizder. Eger qandaı da bir kompanııa nemese tulǵa sheteldik kózderden qarjy alyp, esep usynbaǵan bolsa bizge aıtyńyzdar», - dep túsindirdi Erulan Jamaýbaev.

Ol atap ótkendeı, bul tizimdi jasaý zań talaby. Sondyqtan Qarjy mınıstriniń sózinshe, atalǵan tizimdi qalyptastyrý eshbir adamnyń nemese kásiporynnyń zańdy quqyǵyna qaıshy emes.