Eshkimnen jeńilmegen qazaqstandyq boksshy AQSh-ta WBC tıtýly úshin aıqasady

ASTANA. QazAqpara - 8 jeltoqsan kúni AQSh-taǵy Tehas shtatynyń Ostın qalasynda Qazaqstan ókilderi de qatysatyn boks keshi ótedi, dep jazady Sports.kz.

Ekinshi eń jeńil salmaqtaǵy boksshy Iskander Harsan (4-0, 4 KO) boks alańyna AQSh ókili Horhe Ramospen (6-0-1, 3 KO) segiz raýndtyq jekpe-jekte kezdesedi. Bul aıqastyń basty syılyǵy - jastar arasyndaǵy WBC Intercontinental chempıonynyń bos tıtýly.

Birinshi aýyr salmaqta shyǵyp júrgen Ashat Jantursynov (2-0, 2 KO) jergilikti boksshy Maıkl Koronadomen (1-1-1) aıqasady. Jekpe-jek tórt raýndtan turady.

Osy salmaq dárejesinde shyǵyp júrgen Álı Baloev (7-0, 6 KO) segiz raýndtyq formatta amerıkandyq Reıford Djonsonmen (11-24, 6 KO) bokstasatyn bolady.