Eshkim syrttan kelip Qazaqstandy kórkeıtip jibermeıdi – Qasym-Jomart Toqaev
«Jalpy, álemdegi ahýaldyń kúrdeli ekenin kórip otyrsyzdar. Barsha adamzat túrli syn-qatermen betpe-bet kelýde. Kóptegen el tabıǵı apatty, elektr qýaty men azyq-túlik tapshylyǵyn bastan ótkerýde. Mamandardyń aıtýynsha, bıylǵy shilde álem tarıhyndaǵy eń ystyq aı boldy. Kóptegen elde ınflıatsııa órship, qymbatshylyq bolyp jatyr. Memleketter arasynda túrli teketires, qarýly qaqtyǵys beleń aldy. Bosqyndardyń sany 110 mıllıonnan asty», - dedi Qasym-Jomart Toqaev.
Prezıdent munyń bári Qazaqstanǵa da salqynyn tıgizetinin aıtty.
«Biraq biz jahandyq dúrbeleń dáýirinde óz baǵdarymyzdan adaspaımyz. Árıne, damý jolymyz árdaıym tep-tegis, dańǵyl bolmaıdy. Eshkim de syrttan kelip Qazaqstandy kórkeıtip jibermeıdi. Ol úshin elimizdiń árbir azamaty zaman talabyna saı bolýǵa tıis. Jalpy, halqymyz osyndaı daǵdarys kezinde birtutas bolýy kerek. Basqa jol joq», - dedi Memleket basshysy.
