Eshkim qol qýsyryp otyrǵan joq, jumys istep jatyrmyz – Temirtaý ákimi sýmen qamtý jaıly
Temirtaý qalasyndaǵy sýmen qamtýǵa qatysty turǵyndardyń narazylyqtary áleýmettik jelililerde de, BAQ-da da kún saıyn artyp keledi. Bılik ókilderi bul máseleni sheshý joldaryn qarastyryp, jumys jasap jatqandaryn aıtady.
Aıta ketý kerek, Qaraǵandy – Temirtaý sý qubyry 1981 jyly paıdalanýǵa berilgen. Onyń tozýy shamamen 90% quraıdy. Qazir qalanyń keıbir ortalyq aýdandarynyń turǵyndary keste boıynsha sý alady. Jaǵdaıdy turaqtandyrý úshin bıyl sý qubyrynyń apattyq ýchaskeleri zertteldi – shamamen 5 km boldy.
«Temirtaý úsh kózden sýmen qamtamasyz etiledi, onyń negizgisi – Qaraǵandy – Temirtaý sý qubyry. Búgingi tańda ol óziniń normatıvtik qyzmet merziminen eki ret asyp túsken. Kúrdeli jóndeý múldem bolmaǵan. Biz ınjenerlik jelilerdiń jaǵdaıyna baılanysty sýmen jabdyqtaý tapshylyǵyn jaba almaımyz, sondyqtan shekteýler engizip, keste boıynsha sý berýge májbúrmiz. Shaǵymdar óte kóp. Qala turǵyndaryna jaǵdaıdyń sebepteri týraly habarlaý qajet. Eshkim qol qýsyryp otyrǵan joq. Jumys istep jatyrmyz», – dep túsindirdi qala ákimi Oraz Táýirbekov.
Qazir konkýrstyq rásimder aıaqtalýda. Eger bári oıdaǵydaı bolsa, tamyzdyń birinshi onkúndiginde sý qubyryndaǵy negizgi jumystar bastalady. Biraq «Oqjetpes-T» JShS merdigerdi kútpeı, apatty ýchaskelerdi óz kúshimen aýystyrýǵa kirisip ketken.
«Bıyl biz negizgi jumystardy tamyz jáne qyrkúıek aılarynda oryndaıtyn bolamyz. Biz qalaǵa sýdyń kelýin turaqtandyramyz jáne keste boıynsha sý berýden arylýǵa tyrysamyz. Máseleni tolyǵymen sheshý úshin qalǵan 22 km qaıta qurý arqyly qalpyna keltiremiz. Endi biz jobalaýshymen kelisimshart jasasamyz, sodan keıin ol jobalyq jumystarǵa kirisýi kerek. Jobada aıdaý stantsııasyn da qarastyrý qajet», – dep atap ótti Temirtaý ákimi.
Ár jyldary apattyq aqaýlardy joıý tártibimen jóndeý úshin qolda bar materıaldar qoldanyldy, al qazir sý qubyrlary ártúrli materıaldar men dıametrlerden jasalǵan – bul temirbeton, bolat jáne shoıyn. Munyń bárin normatıvke saı keltirý kerek.
