Eshki Tımýr qar jaýǵan kúni jolbarys Amýrdy jatar ornynan qýyp shyqty
ASTANA. QazAqparat - Prımore safarı-baǵynyń tanymal asyrandylary jolbarys Amýr men eshki Tımýr sýyq kúnderdi birge qarsy aldy. 15 jeltoqsanda qar jaýǵanda, jyrtqysh birge turatyn múıizdige ornyn bosatty.
Bul týraly safarı-baǵynyń saıtynda habarlandy.
«Búgin qar jaýyp turǵanda qyzyqty oqıǵa boldy. Amýr jaýyn-shashynnan qorǵap turatyn jerge jatpaq bolǵanda, eshki birden júgirip keldi. Jolbarys óz ornyn Tımýrǵa berip, keıin yǵysty», - delingen habarlamada.
Ádette, janýarlar birge júredi, bul rette Tımýr Amýrdy kútip turady.
Eske sala ketsek, Amýr jolbarysy eshkimen qarasha aıynda dostasty. Bastapqyda eshki jyrtqyshtyń toryna azyq retinde túsken bolatyn. Biraq Tımýrdyń batyl áreketterinen jolbarys seskenip, oǵan tipti jatatyn ornyn da bosatty. Sol kezden beri janýarlar birge júredi. Haıýanattar baǵynyń qyzmetkerleri olardy ajyratpaıtyndaryn aıtty.
