Eshki terisin jamylǵan grek ańshylyqta mert boldy
ASTANA. Jeltoqsannyń 23-i. QazAqparat - Janýarǵa baıqatpaı jaqyndaý úshin eshki terisin jamylǵan ańshy basqa ańshy oǵynyń qurbany boldy,
dep habarlaıdy QazAqparat The Daily Telegraph saıtyna silteme jasap.
Oqıǵa Grekııanyń ońtústigindegi Neme mańynda bolǵan. Birneshe otbasy ulttyq merekeniń qurmetine saltanatty as ázirleý úshin túz taǵysyn aýlaýǵa shyǵady. Ańshylyqqa qatysýshylar jup-jupqa bólinip, mańaıǵa tarap ketedi.
25 jáne 28 jastardaǵy eki jas jigit ózderi janýar dep qabyldaǵan qybyrlaǵan tirshilik ıesin kóredi jáne ile-shala ony myltyqtyń qaraýylyna alyp, jaıratyp salady. Alaıda bul eshki terisin jamylǵan 49 jasar Krıstıan Konstantınoý bolyp shyǵady. Ol aýrýhanaǵa jetkizilgenimen, alǵan jaraqattan uzamaı kóz jumady. Oǵan oq atqan er adam tutqyndaldy, ony jergilikti polıtsııa tergeýde.
