Eshqashan jeńilmegen qazaqstandyq qos boksshy Kanadada aıqas aldyndaǵy salmaq ólsheýden ótti

ASTANA. QazAqparat - Qanadadaǵy Shavınıgan qalasynda (Kvebek provıntsııasy) qazaqstandyq ókilder de qatysatyn boks keshi aldyndaǵy salmaq ólsheý rásimi ótti, dep jazady Sports.kz.

Sýper orta salmaqtaǵy Nurzat Sabırov (6-0, 5 KO) óziniń meksıkalyq qarsylasy 40 jastaǵy  Gılermo Romeromen (12-6, 9 KO) betpe-bet kezdesti. Olardyń jekpe-jegi segiz raýndqa eseptelgen.

Al birinshi orta salmaq dárejesindegi Sadrıddın Ahmedov (2-0, 2 KO) ózge meksıkalyq, 38 jastaǵy Gýstavo Garıbaımen aıqasady. Bul 6 raýndqa sozylady.

Boks keshi 16 maýsymda (Qazaqstan úshin 17 maýsymnyń tańy)  Centre Gervais Auto alańynda ótedi.