Eshqashan jeńilip kórmegen WBC Silver chempıony Golovkındi jekpe-jekke shaqyrdy

ASTANA. QazAqparat - Amerıkalyq boksshy Emmanýel Alım (17-0-1, 10 KO) ThaBoxingVoice basylymyna bergen suhbatynda Gennadıı Golovkınmen (36-0, 33 KO) jekpe-jekke shyǵýǵa daıyn otyrǵandyǵyn málim etti, dep habarlaıdy Sports.kz.

«Maǵan úlken jekpe-jekter qajet bolyp tur. Men Golovkınmen jekpe-jekke shyqqym keledi. GGG, men eń myqtylardyń brimin. Men ózimniń 18 kezdesý ótkizgendigime qaramastan Golovkınmen qolǵap túıistirýge daıynmyn. Men ózimniń myqty ekendigimdi bilemin. Álemdegi eń ataqty degen sportshylardy jeńýge meniń tájirıbem jetkilikti»,-dep málimdedi Alım.

Aıta keteıik, Alım altynshy raýndta eshqashan jeńilip kórmegen ýkraındyq Evgenıı Hıtrovty nokaýtqa túsirip, WBC Silver dárejesi boıynsha álem chempıony ataǵyn jeńip aldy. Osylaısha, amerıkalyq sportshyǵa endi WBC dárejesi boıynsha «ádettegi» belbeý ıegeri, álem chempıony Gennadıı Golovkınmen shyǵýdyń múmkindigi týyp otyr.