Eshqashan jeńilip kórmegen aýyr salmaqtaǵy kýbalyq Lýıs Ortıs bokstan shettetildi
ASTANA. QazAqparat - Dopıngke qarsy erejelerdi bir aı ishinde ekinshi ret buzǵan kýbalyq aýyr salmaqtaǵy boksshy Lýıs Ortıske bir jyldyq dıskvalıfıkatsııa berilip, Búkilálemdik boks qaýymdastyǵynyń (WBA) reıtınginen shyǵaryldy.
WBA baspasóz qyzmetine silteme jasaǵan boxingscene.som portalynyń habarlaýynsha, 38 jastaǵy boksshy qazan aıynda WBA-diń dopıngke qarsy baǵdarlamasy aıasynda erikti túrde dopıngke qan tapsyrǵan. Biraq taldaý nátıjeleri boksshy qanynyń quramynda boksshylarǵa tyıym salynǵan hlorotıazıd jáne gıdrohlorotıazıd dıýretıkteriniń bar ekenin kórsetken.
29 qyrkúıekte Ortıs Búkilálemdik boks keńesiniń (WBC) nusqasy boıynsha álem chempıony ataǵy úshin ótýi tıis amerıkalyq Deonteı Ýaılderge qarsy jekpe-jek aldynan dopıng synaǵynan ótpegen. Keıin ol jekpe-jekten shettetilip, Ýaılder WBS-diń burynǵy chempıony kanadalyq Bermeın Stıvernmen judyryq túıistirgen bolatyn.
Ortıstiń dıskvalıfıkatsııasynyń merzimi 2018 jyldyń 22 qyrkúıeginde aıaqtalady. Eger Ortıs ereje buzbaı, VADA-nyń «Taza boks» baǵdarlamasyna qatysatyn bolsa WBA 22 naýryzdan keıin onyń boksqa qaıtýyna ruqsat berýi múmkin.
Ázirge eshqashan súrinip kórmegen Ortıs 27 jeńisiniń 23-inde qarsylastaryn nokaýtqa túsirgen.
