Eshqashan bottarmen jumys istegen emespin - Ashat Oralov

ASTANA. QazAqparat – Mádenıet jáne sport mınıstri Ashat Oralov bottarmen jumys istemeıtinin aıtty, dep habarlaıdy QazAqparat tilshisi.

«Men eshqashan bottarmen jumys istegen emespin. Iá, biz áleýmettik jelilerdi belsendi júrgizemiz. Jeke áleýmettik paraqshalarymdy ózim júrgizemin. Árdaıym ashyq áńgimege daıynmyn. Taǵy qaıtalaımyn men bottarmen jumys istemeımin», - dedi Ashat Oralov Úkimet úıinde BAQ ókilderiniń saýalyna jaýap berip.

Sondaı-aq, jańa mınıstr óziniń taǵaıyndalýyna qatysty synı pikirler týraly da aıtty.

«Biz shyn nıetpen jumys istep jatyrmyz. Halyq arasynda qoldap nemese syn aıtyp jatqandar da bar. Eger syn obektıvti túrde bolsa, ózekti máseleler kóterilip, usynystar aıtylsa, máseleni birlesip sheshýge tyrysamyz», - deıdi ol.

Eske salaıyq, 4 qańtarda Ashat Oralov QR Mádenıet jáne sport mınıstri bolyp taǵaıyndaldy.