Eshqandaı májbúrlik joq – Qazaqstan Prezıdenti referendým jóninde

NUR-SULTAN. QazAqparat - Memleket basshysy Qasym-Jomart Toqaev astanadaǵy Ál-Farabı atyndaǵy Oqýshylar saraıynyń ǵımaratynda ornalasqan referendým ýchaskesine baryp, daýys berdi. QazAqparat bul týraly Aqordaǵa silteme jasap habarlaıdy.

Jalpyulttyq referendým arqyly Konstıtýtsııaǵa ózgerister men tolyqtyrýlardyń engizilýi – búgingi asa mańyzdy sharanyń basty ereksheligi. Buǵan deıin Ata zańǵa ózgerister men tolyqtyrýlar engizý jónindegi sheshimdi Parlament qabyldaıtyn.

Qasym-Jomart Toqaev daýys bergennen keıin otandyq buqaralyq aqparat quraldarynyń ókilderi úshin brıfıng ótkizdi. Memleket basshysy qazaqstandyqtardy ótip jatqan referendýmmen quttyqtady.

«Búgin elimiz úshin, shyn máninde, tarıhı kún. Halqymyz betburysty sheshim qabyldamaq. Eshqandaı májbúrlik joq. Referendým joǵary deńgeıde uıymdastyrylǵan», – dedi Qazaqstan Prezıdenti.

Sodan keıin Memleket basshysy konstıtýtsııalyq reformanyń negizgi maqsattary men mindetterine qatysty jýrnalısterdiń birqatar ózekti saýalyna jaýap berdi.