Elde eshqandaı qaýip joq - Qatar Іshki ister mınıstrligi

ASTANA. KAZINFORM – Qatardyń Іshki ister mınıstrligi el astanasyndaǵy jarylystardan keıin málimdeme taratyp, barlyq arnaıy qyzmetter óz mindetterin atqaryp jatqanyn jáne eshqandaı qaýiptiń joq ekenin jetkizdi. Bul týraly Kazinfrom agenttiginiń menshikti tilshisi habarlady.

- Іshki ister mınıstrligi osyǵan deıin Dohadan estilgen jarylys dybysy HAMAS-tyń shtab-páterleriniń birine jasalǵan soqqydan shyqqanyn habarlaıdy. Mınıstrlik barlyq arnaıy qyzmetterdiń óz mindetterin oryndap jatqanyn, jaǵdaıdyń qaýipsiz ekenin málimdeıdi jáne aqparatty tek resmı kózderden alýǵa shaqyrady, - dep habarlady Qatardyń Іshki ister mınıstrligi X áleýmetik jelisinde.

Óz kezeginde Qatar áýe jelisi Dohada bolǵan oqıǵalardyń kompanııa jumysyna eshqandaı áser etpegenin habarlady.

- Dohada bolǵan oqıǵalar Qatar áýe jelisiniń jumysyna eshqandaı áserin tıgizgen joq. Jumys ádettegideı júrip jatyr. Jolaýshylardyń qaýipsizdigi qashanda bizdiń basty basymdyǵymyz bolǵan jáne bola da beredi, - delingen áýe tasymaldaýshysy taratqan habarda.

Osyǵan deıin Qatar astanasynda jarylys bolǵany týraly jazdyq.

Izraıl Doha shabýyly úshin jaýapkershilikti tolyq óz moınyna aldy.