Eshbir eldi mekenniń mańynda artıllerııalyq oq-dári bolmaıdy - Qorǵanys mınıstri

NUR-SULTAN. QazAqparat - Eshbir qalada, eldi mekenniń mańynda artıllerııalyq oq-dári bolmaıdy. Bul týraly Senatta tilshiler saýalyna jaýap berý kezinde QR Qorǵanys mınıstri Nurlan Ermekbaev málim etti, dep habarlaıdy QazAqparat tilshisi.

«Qoımalarda oq-dárini saqtaý tártibine qatysty tekserýler turaqty túrde júrgizilip turady. Apatqa deıin Arysta da birneshe tekserý júrgizilgen bolatyn. Qandaı da bir kemshilikter anyqtalyp, barlyǵy joıylǵan edi. Qazirgi kezde barlyq garnızon men qalalar boıynsha taǵy bir tekserýdi taǵaıyndadym. Bizdiń maqsat - eshbir qalada, eldi mekenniń mańynda eshqandaı artıllerııalyq oq-dárini qaldyrmaý. Tek áskerı bólimder aýmaǵyn kúzetý úshin atys qarýy patrondary ǵana saqtalady», - dedi mınıstr.

Budan buryn habarlanǵandaı, Nurlan Ermekbaev Arystaǵy jarylys boıynsha tergeý amaldary shamamen bir aıdyń ishinde aıaqtalatynyn atap ótti.