Esh jeńilmegen qazaqstandyq boksshy Eýropa chempıony tıtýly úshin aıqasady
ALMATY. QazAqparat – 10 shildede Almaty qalasynda úlken boks keshi ótip, sonyń aıasynda rıngke buryn esh jeńilip kórmegen qazaqstandyq boksshy Sultan Zaýyrbek shyǵady, dep habarlaıdy QazAqparat Sports.kz saıtyna silteme jasap.
Otandyq boksshynyń qarsylasy Ulybrıtanııa ókili Ronnı Klark (21-4, 10 KO) bolmaq. BoxRec.com málimetinshe, kezdesý jeńimpazyna WBO nusqasy boıynsha ekinshi jartylaı jeńil salmaqta Eýropa chempıonynyń tıtýly beriledi. Jekpe- jek on raýndtan turady.
Sultan Zaýyrbektiń sońǵy aıqasy ótken jyldyń sońynda Almatyda ótken. Onda tóreshilerdiń biraýyzdan qabyldaǵan sheshimimen Ýkraına faıteri Vladıslav Melnıkti (12-3, 7 KO) jeńdi.
Atap óteıik, buǵan deıin qazaqstandyq boksshy jastar arasynda WBC nusqasy boıynsha osy salmaq dárejesinde álem chempıony tıtýlyna ıe bolǵan.
