Eset Esenǵaraev: Mıtıngter qoǵamda uzaq ýaqyt qordalanǵan máseleni sheshe almaıdy
Beıbit jıyndardy uıymdastyrý men ótkizýge qatysty ázirlengen zań jobasyn talqylaǵannan keıin sarapshylar atalmysh qujat nomalaryna qatysty óz pikirlerin bildirdi. Qaraǵandylyq belgili áleýmettanýshy qazir osy zańǵa qalyń kópshiliktiń erekshe kóńil-kúımen nazar salyp otyrǵandyǵyn aıtty.
«Meniń oıymsha bul qazirgi qoǵamda mıtıngilerdi qosa alǵanda qoǵamdyq qyzmet pen qoǵamdyq qatynastardyń saıası aspektileriniń tym joǵary baǵalanýymen baılanysty. Menińshe, mıtıngter qoǵamda uzaq ýaqyttan beri qordalanǵan máselelerdiń sheshý tásili almaıdy. Degenmen bul da halyqtyń qandaı da bir máselege degen qatynasynyń kórinisi jáne onyń bolýy zańdy. Onyń ústine halyqtyń bulaısha ún qatýy bizdiń tarıhymyzda, Keńes Odaǵy tusynda da, odan keıingi kezeńde de bolǵan emes. Sol sebepti qazir bizdiń aldymyzda halyqtyń osyndaı jolmen ún qatýynyń ońdy jalǵasyn tabýyna yqpal etetin ekijaqty tıimdi normalardy qurylymdaý mindeti tur. Bul rette saıasat sýbektileriniń pikirleri eki túrli bolýy múmkin, bul qalypty jaǵdaı. Sondyqtan qazir talqylaý júrip jatyr. Men osy talqylaýlardyń nátıjesinde bizdegi qoǵamdyq sharttar boıynsha atalǵan máseleni sheshýdiń aqylǵa syıymdy jáne ekijaqty tıimdi sheshimderi qabyldanady degen úmittemin», - dep atap ótti áleýmettanýshy Eset Esenǵaraev.
Sondaı-aq, onyń pikirinshe, atalmysh zańdy biryńǵaı standartpen jasaý múmkin emes. Sebebi birde-bir elde biryńǵaı standart joq.
«Bul óte salmaqtap, saralap qaraıtyn jaǵdaı. Bul máselege qatysty AQSh-tyń bir shtaty men ekinshi shtatyndaǵy jaǵdaıdyń ózi ártúrli. Sondyqtan da biz onyń biryńǵaı qalybyn jasaı almaımyz. Sol sebepti bizge qazir ózimizdiń dástúrlerimiz ben erekshelikterimizdi eskere otyryp, jańasha úlgilerdi jasaý kerek», - dep esepteıdi Eset Esenǵaraev.
