Eset batyrdyń 355 jyldyǵyna arnalǵan aıtys jeńimpazy anyqtaldy

AQTÓBE. QazAqparat - Eset batyr Kókiulynyń 355 jyldyǵyna arnalǵan sharalar aıasynda Aqtóbede ótken respýblıkalyq aıtysta Abaı oblysynan kelgen aqyn Rústem Qaıyrtaı bas júldege ıe boldy, dep habarlaıdy QazAqparat.

«Atasynyń esimin asqaqtatqan, Arda jurty, armysyń, Aqtóbeniń!» (Serik Qýanǵan) – dep, elimizdiń ár óńirinen kelgen aqyndardyń aıtysyn jurtshylyq eki kún boıy tamashalady.

Aıtysqa barlyǵy 16 aqyn qatysty. Solardyń arasynan ekinshi kezeńge 8 aqyn shyǵyp, tórt jup bolyp: Serik Qýanǵan (ShQO) men Raýan Qaıdarov (Pavlodar oblysy), Qazyret Berdihan (Almaty qalasy) men Birjan Baıtýov (Shymkent qalasy), Rústem Qaıyrtaı (Abaı oblysy) men Shuǵaıyp Sezimhan (Almaty qalasy) jáne Juldyz Qojabekova (Aqtóbe oblysy) men Shalqarbaı Іzbasarov (Atyraý oblysy) aıtysty.
Bas júlde Rústem Qaıyrtaıǵa buıyrdy. Oǵan 1,5 mıllıon teńge kóleminde qarjylaı syıaqy sertıfıkaty tapsyryldy.

Sondaı-aq Birjan Baıtýov, Raýan Qaıdarov, Juldyz Qojabekova, Shuǵaıyp Sezimhan, Qazyret Berdihan, Shalqarbaı Іzbasarov syndy aqyndar da júldege ıe boldy.
Eske salaıyq, Aqtóbede Eset Kókiulynyń 355 jyldyǵyna arnalǵan «Erkindik qyrany, sharyqta» atty respýblıkalyq aqyndar aıtysy ótip jatqanyn habarlaǵan bolatynbyz.