Esepteýish qural qoısańyz, artyq tólemeısiz - Dosaev sý tarıfteri týraly

ALMATY. KAZINFORM - Almaty qalasynyń ákimi Erbolat Dosaev Alataý aýdanynyń turǵyndarymen kezdesti.

Qala turǵyny ákimnen sý tarıfterine baılanysty tekseris júrgizýdi ótindi.

- Kesheden beri sýǵa baılanysty maǵan kóp suraqtar kelip jatyr. Bizdiń maqsatymyz esepteýish quraldar sanyn 90 paıyzǵa jetkizý. Kóbi, jańa aýdandar bar esepteýish quralsyz sý qosqan ǵoı. Sharýashylyqty sýarady, basqa qajettiligine jumsaıdy. Qazir endi biz norma ornattyq. Odan assańyz, qosymsha tóleısiz. Norma ishinde bolsańyz, eshqandaı qosymsha tólem joq. Qazir barlyq almatylyqtardan surap otyrǵanym, onyń ishinde jer úıde turyp jatqandardan - esepteýish ornatyp alyńyzdar. Baǵasy qymbat emes. Sonymen tóleısizder, - dedi Almaty ákimi.

Eske salaıyq, buǵan deıin Almatyda 1 aqpannan bastap 2029 jylǵa deıin jaramdy tarıfter engizilgenin jazǵanbyz.