Esepteý-taldaý mashınalary zaýytynyń dırektory atyp óltirildi
ASTANA. 27 jeltoqsan. QazAqparat - Máskeý oblysynyń Mytışı aýdanyndaǵy Hovrıno derevnıasynda 26 jeltoqsan kúni Nissan Patfainder avtokóliginiń ishinen denesinde zorlyq nyshandary bar er azamattyń máıiti tabyldy, dep habarlaıdy RBK.
RF Prokýratýrasy janyndaǵy Tergeý komıtetinen habarlaǵandaı, qaza tapqan 1969 jylǵy azamat «Esepteý-taldaý mashınalary zaýyty» AAQ bas dırektorynyń mindetin atqarǵan. Onyń óltirilýine qatysty qylmystyq is qozǵaldy.
Aldyn ala málimet boıynsha, zardap shekken azamat boljam boıynsha Makarov tapanshasynan basyna atylǵan oqtan qaza tapqan. Atalmysh fakti boıynsha Máskeý oblysy boıynsha Tergeý komıtetiniń tergeý organdary RF QK 105-babynyń 1-bólimi (Adam óltirý) jáne 222-baptyń 1-bólimi boıynsha (Qarýdyń zańsyz aınalymy) qarastyrylǵan qylmys túrlerine qatysty qylmystyq is qozǵady.
Tergeýshiler osy qylmysty jasaǵan azamattardy izdestirý jáne osy istiń anyq-qanyǵyn anyqtaý úshin jedel-izdestirý sharalaryn júrgizip jatyr.
