Esepte turǵan sottalǵandarǵa kómek kórsetildi - Aqmola oblysy
KÓKShETAÝ. QazAqparat - Aqmola oblysy boıynsha QAJ departamenti probatsııa qyzmetiniń qyzmetkerleri esepte turǵan sottalǵandarǵa qoldaý kórsetti, dep habarlaıdy Polisia.kz.
Aqmola oblysy boıynsha QAJ departamentiniń Sandyqtaý aýdany probatsııa qyzmetiniń qyzmetkerleri koronavırýs pandemııasy órship turǵan qazirgi kezeńde dárihana pýnktterinde dári-dármekterdiń jetispeýin eskere otyryp, probatsııalyq esepte turǵan sottalǵandarǵa birinshi qajettilik quraldaryn berýdi uıymdastyrdy.
«37 sottalǵan esepte tur. Olardyń árqaısysy probatsııa qyzmetkerleriniń qoldaýyn sezindi», – deıdi oblystyq departamenttiń probatsııa bóliminiń mamany Ksenııa Safına. «Aýdandyq bólimderdegi áriptesteri óz qarajaty esebinen qajetti qorǵanysh quraldary – medıtsınalyq maskalar, qolǵaptar, antıseptıkalyq quraldar men vıtamınder bar shaǵyn paketter jınady».
Sottalǵandardyń árqaısysy bılik ókilderine alǵys aıtyp, jaqsylyq pen barlyq ıgilikterdi tiledi.