Esepshotyna 85 mln teńge aýdaryp alǵan bas býhgalter 7 jylyn túrmede ótkizedi

NUR-SULTAN. QazAqparat - Esepshotyna 85 mln teńge aýdaryp alǵan dárigerlik ambýlatorııa bas býhgalteri 7 jylyn túrmede ótkizedi. Bul týraly onlaın brıfıng barysynda QR Sybaılas jemqorlyqqa qarsy is-qımyl agenttigi 1-shi departamenti basshysynyń orynbasary Danııar Aqýan aıtty, dep habarlaıdy QazAqparat tilshisi.

«2020 jyldyń 25 sáýirinde Óskemen qalalyq №2 soty «Menevnoe aýylynyń dárigerlik ambýlatorııasy» sharýashylyq júrgizý quqyǵyndaǵy kommýnalyq memlekettik kásiporynynyń bas býhgalteri I.Orehovany 85 mln teńgeden astam bıýdjet qarajatyn óziniń esepshot kartasyna zańsyz aýdarý arqyly urlaǵany úshin aıypty dep tanydy. Oǵan memlekettik qyzmette laýazym atqarýǵa ómir boıy tyıym salyndy jáne 7 jylǵa bas bostandyǵynan aıyrý jazasy belgilendi», - dedi Danııar Aqýan.