Esep komıtetiniń delegatsııasy Latvııa Respýblıkasynyń Memlekettik baqylaýynyń tájirıbesin zerdelep qaıtty

dep habarlady  vedomstvonyń baspasóz qyzmetinen.

 Qazaqstan delegatsııasy Latvııa Respýblıkasynyń memlekettik qarjylyq baqylaý júıesiniń quqyqtyq negizimen, Latvııanyń Memlekettik baqylaýynyń qurylý tarıhymen, ókilettigimen, qurylymymen, onyń uıymdastyrylýymen tanysty. Sáıkestikke, qarjylyq eseptilik pen tıimdilikke baqylaý júrgizýdiń ádisnamalyq aspektileri qarastyryldy. Kvazımemlekettik sektorda ishki aýdıt jumysynyń ereshelikteri zerdelendi.

 Latvııanyń Memlekettik baqylaýy ózi qoldanatyn baqylaýdyń sapasyn basqarý júıesimen, sol sekildi táýekelderdi basqarý júıesimen delegatsııany tanystyrdy. Delegatsııa Latvııanyń parlamentinde bolyp, joǵary qarjy baqylaý organy men parlamenttiń ózara is-qımyldarynyń latvııalyq tájirıbesin talqylady.

 Sonymen qatar, Esep komıtetiniń tóraǵasy Omarhan Óksikbaev Latvııa parlamentiniń tóraǵasy Gýndaras Daýdzemen, Memlekettik shyǵyndar men revızııalar jónindegi parlamenttik komıssııanyń tóraǵasy Andrıs Berzınshpen, Ál-aýqat mınıstri Ýldıs Aýgýlıspen, «Latvııa memlekettik ormandar» AQ-nyń basqarma tóraǵasy Robert Strıpnıekspen, Rıga qalasynyń meri Nıl Ýshakovpen kezdesti. Taraptar syrtqy jáne ishki qarjylyq baqylaý júıesin jetildirý máseleleri boıynsha keleshektegi yntymaqtastyqty talqylady.

 Sapardyń nátıjesinde Latvııa Respýblıkasynyń Memlekettik baqylaýshysy Ingýna Sýdraba Astana qalasynda keler jyldyń sáýir aıynda ótetin Joǵary baqylaý organdarynyń halyqaralyq uıymynyń (INTOSAI) mańyzdy ulttyq kórsetkishter jónindegi jumys tobynyń úshinshi otyrysyna qatysatyndyǵyn taǵy da qýattady.

Latvııanyń Memlekettik baqylaýy - osy eldiń joǵary qarjy baqylaý organy.