Esep komıteti jurtshylyqpen ózara is-qımyldy kúsheıtýge nıetti

NUR-SULTAN. QazAqparat - Búgin Sybaılas jemqorlyqqa qarsy is-qımyl agenttiginiń tóraǵasy Alık Shpekbaevtyń jáne Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Natalıa Godýnovanyń «Esep komıteti – Adaldyq alańy» jobalyq keńsesin ashý boıynsha eki jaqty kezdesýi ótti.

Іs-shara Esep komıteti músheleriniń, apparatynyń jáne vedomstvolyq baǵynysty uıymynyń, Nur-sultan, Almaty, Shymkent qalalary jáne oblystar boıynsha tekserý komıssııalary tóraǵalarynyń, Sybaılas jemqorlyqqa qarsy qyzmettiń aýmaqtyq organdary basshylarynyń, sondaı-aq jurtshylyq ókilderiniń qatysýymen ótti.

Jobalyq keńse eki vedomstvonyń Memleket basshysynyń Esep komıteti men tekserý komıssııalarynyń fýnktsıonalyn kúsheıtý jónindegi tapsyrmasyn iske asyrý sheńberinde sybaılas jemqorlyqtyń aldyn alý jáne parasattylyq qaǵıdattaryn ilgeriletý boıynsha jedel jumys qajettigi týraly ózara túsinistiginiń nátıjesi bolyp tabylady.

Іs-sharany asha otyryp, N. Godýnova sybaılas jemqorlyq kórinisteriniń ýaqtyly aldyn alýdyń mańyzdylyǵyn atap ótti, Esep komıtetiniń ótken jylǵy qyzmetiniń qysqasha qorytyndylary, sybaılas jemqorlyqqa qarsy is-qımyl boıynsha qabyldanyp jatqan sharalar týraly aıtyldy, sondaı-aq sybaılas jemqorlyqqa qarsy is-qımylda eki vedomstvonyń kúsh-jigerin biriktirý, barlyq memlekettik organdardyń aqparattyq júıelerin ıntegratsııalaý, bıýdjet qarajaty men Ulttyq qor aktıvterin birlesip qadaǵalaý boıynsha sharalar qabyldaý usynyldy.

Agenttik tóraǵasy A. Shpekbaev sybaılas jemqorlyq táýekelderin joıýdan bastap parasattylyq qaǵıdattaryn bólispeıtin qyzmetkerlerden tazartýǵa deıingi sybaılas jemqorlyqqa qarsy ınfraqurylymdy qurýdaǵy Esep komıteti músheleriniń róline nazar aýdardy.

«Memlekettik aýdıt organdaryna qosymsha fýnktsııalar bere otyryp, Esep komıteti men tekserý komıssııalary qyzmetkerleriniń, eń aldymen, olardyń basshylarynyń parasattylyǵy men adaldyǵyn arttyrý týraly umytpaý mańyzdy. Jemqorlyq Zańǵa qurmet kórsetpeýden bastalady», - dep atap ótti sybaılas jemqorlyqqa qarsy vedomstvo basshysy.

Qatysýshylardyń pikirinshe, buǵan qoǵamdyq kómekshiler – sarapshylar, keńesshiler jáne jaı qamqor azamattar kómektese alady.

Osyǵan baılanysty, Jobalyq keńse sheńberinde jurtshylyq pen BAQ ókilderi qatarynan saraptamalyq keńes qurylatyn bolady.

«Esep komıteti – Adaldyq alańy» jobalyq keńsesi joǵary memlekettik aýdıt jáne qarjylyq baqylaý organynyń ashyqtyǵyn jáne qoljetimdiligin qamtamasyz etýge jańa serpin beredi.

Osylaısha, Esep komıteti turaqty dıalog arqyly jurtshylyqty óz qyzmetine tartýǵa daıyn.

Keńes qorytyndysy boıynsha aýdıtorlyq is-sharalardy ótkizý kezinde, onyń ishinde Sybaılas jemqorlyqqa qarsy qyzmetke berilgen aýdıt materıaldary boıynsha ózara is-qımyldy kúsheıtý týraly ýaǵdalastyqqa qol jetkizildi.

Óńirlik tekserý komıssııalaryna osyndaı jobany ázirleý jáne iske asyrý usynyldy.