Esep komıteti Úkimetke barlyq deńgeıdegi máslıhattardyń tekserý komıssııalaryn ınstıtýtsıaldyq nyǵaıtýdy usyndy

QR Qarjy mınıstrligi Qarjylyq baqylaý komıtetiniń qarjylyq baqylaý ınspektsııalarynyń memlekettik qarjylyq baqylaý standarttarynyń talaptaryn saqtaýyn baqylaýdyń qorytyndysy boıynsha Esep komıteti jergilikti deńgeıde syrtqy baqylaýdyń tıimsiz uıymdastyrylyp, ótkizilgenin atap ótedi.

Jyl saıyn transfertter men respýblıkalyq bıýdjetten bólinetin sýbventsııalar artyp, Jol kartasynyń is-sharalaryn qarjylandyrý kólemi ósip kele jatqan tusta jergilikti deńgeıde baqylaýdyń tıimsiz júrgizilýi bıýdjet qarajatyn túpki paıdalanýshylarǵa jetkizýdiń ataýlylyǵyna jáne nysanaly sıpatyna keri áserin tıgizýde, dep habarlaıdy Respýblıkalyq bıýdjettiń atqarylýyn baqylaý jónindegi esep komıtetiniń baspasóz qyzmeti.

Máslıhattardyń tekserý komıssııalary «Quzyrettilik» standartynyń talaptaryn kóp jaǵdaıda saqtamaıdy. Tekserý komıssııalary baqylaý is-sharalaryna tartyp otyrǵan mamandardyń daıarlyq deńgeıi biliktilik talaptaryna saı kelmeıdi.

Jekelegen tekserý komıssııalary tıisti jergilikti bıýdjettiń atqarylýy týraly jyldyq esepti qarap bekitý kezinde Qarjy mınıstrliginiń Qarjylyq baqylaý komıtetine qarasty oblystyq ınspektsııalardyń tekserý materıaldaryn paıdalanýda. Máslıhattardyń tekserý komıssııalary baqylaýdyń tolyqtyǵyn jáne obektıvtiligin qamtamasyz etpeı otyr.

Máselen, 2008 jyly Aqtaý qalasy máslıhatynyń tekserý komıssııasy baqylaýdy ótkizýge 4 tapsyrma berdi, biraq is júzinde birde-bir baqylaý is-sharasy ótkizilmegen. Tekserý komıssııasynyń barlyq 7 qaýlysy Mańǵystaý oblysy boıynsha qarjylyq baqylaý ınspetsııasy júrgizgen tekserý materıaldary negizinde qabyldanǵan.

Almaty, Qostanaı oblystarynyń, Qostanaı, Aqtaý, Taldyqorǵan qalalarynyń, sondaı-aq Qostanaı, Mańǵystaý, Pavlodar jáne Almaty oblystaryndaǵy Qostanaı, Munaıly, Pavlodar jáne Eskeldi aýdandarynyń máslıhattarynyń tekserý komıssııalary qyzmetiniń ekonomıkalyq tıimdiligi tómen deńgeıde qalyp otyr.

Mysaly, 2008-2009 jyldary Qostanaı qalasy máslıhatynyń tekserý komıssııasy 9 baqylaý is-sharasyn ótkizip, eshqandaı buzýshylyqtardy anyqtamaǵan. Bul rette tekserý komıssııasy tóraǵasynyń jalaqysyna 2 088,5 myń teńge jumsalǵan. Osyǵan uqsas jaǵdaı 2008-2009 jyldary Almaty oblysynyń Eskeldi aýdandyq máslıhatynyń tekserý komıssııasynda da oryn alǵan, atap aıtqanda, tekserý komıssııasy bir ǵana tekserý júrgizip, eshbir buzýshylyq tappaǵan. Bul rette tekserý komıssııasy tóraǵasynyń jalaqysyna 1 295,9 myń teńge jumsalǵan.

«Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Zańdy buza otyryp, keıbir máslıhattardyń tekserý komıssııalarynyń tóraǵalary óz fýnktsııalaryn bosatylǵan negizde júzege asyrmaı otyr. Mysaly, Aqtaý jáne Óskemen qalalary máslıhattarynyń tekserý komıssııalarynyń tóraǵalary tıisinshe «Qazaqstannyń halyq banki» AQ-nyń Manǵystaý oblystyq fılıalynyń jáne «Atameken Odaǵy» QUEP-nyń Shyǵys Qazaqstan oblystyq fılıalynyń dırektory laýyzymyn bir mezgilde atqarýda.

Tekserilgen oblystarda Qarjy mınıstrligi qarjylyq baqylaý ınspektsııalarynyń baqylaý is-sharalarynyń tómen tıimdiligi josparlaý satysynda, baqylaý barysynda, sondaı-aq onyń nátıjelerin iske asyrý kezinde «Baqylaý», «Sapa baqylaýy» jáne «Basqarý» standarttarynyń talaptaryn saqtamaýyna baılanysty oryn alǵan. Máselen, baqylaý kezinde baqylaý obektilerine 1 141,9 mln. teńge qarjyny qalpyna keltirýge qatysty, sonyń ishinde Almaty oblysy boıynsha - 80,4 mln. teńgeni, Shyǵys Qazaqstan oblysy boıynsha - 353,5 mln. teńgeni, Mangystaý oblysy boıynsha - 36,5 mln. teńgeni, Pavlodar oblysy boıynsha - 429,0 mln. teńgeni, Qostanaı oblysy boıynsha 242,5 mln. teńgeni óteý jónindegi usynymdar oryndalmaǵan.

Esep komıteti Úkimetke barlyq deńgeıdegi máslıhattardyń tekserý komıssııalaryn ınstıtýtsıaldyq nyǵaıtýdy, sondaı-aq syrtqy memlekettik baqylaýdyń uıymdastyrylýyn zań júzinde retteýdi usyndy. Máslıhattardyń tekserý komıssııalaryna jáne Qarjy mınıstrliginiń qarjylyq baqylaý ınspektsııalaryna memlekettik qarjylyq baqylaýdyń standarttaryn saqtaýdyń qajetiligine basa nazar aýdartyldy.

Máslıhattardyń tekserý komıssııalary - jergilikti bıýdjetterdiń atqarylýyna syrtqy memlekettik qarjylyq baqylaý júrgizetin organdar.

Esep komıteti QR Prezıdentine tikeleı baǵynatyn jáne esep beretin memlekettik qarjylyq baqylaýdyń joǵary organy bolyp tabylady. Syrtqy baqylaýdy júzege asyrady jáne respýblıkalyq bıýdjettiń atqarylýyn, ortalyq memlekettik organdardyń strategııalyq josparynyń, memlekettik baǵdarlamalardyń iske asyrylýyn baǵalaıdy. Kvazımemlekettik sektor sýbektilerine bólingen memlekettik qarjy resýrstarynyń paıdalanylýyn baqylaıdy. Memlekettiń granttary men aktıvteriniń, memleket kepildik bergen qaryzdardyń paıdalanylý tıimdiligin taldaıdy, sondaı-aq Ulttyq bank aktıvteriniń paıdalaný sáıkestigin baqylaýdy júzege asyrady.