Esep komıteti sırek kezdesetin metaldardy tıimdi paıdalaný jóninde usynys ázirleýdi usyndy
dep habarlaıdy respýblıkalyq bıýdjettiń atqarylýyn baqylaý jónindegi esep komıtetiniń baspasóz qyzmeti
Indýstrııa jáne jańa tehnologııalar mınıstrligi jáne onyń Óndiris komıteti ózderine vedomstvolyq baǵynysty respýblıkalyq memlekettik kásiporyndardyń qyzmetine monıtorıng pen baqylaýdy tıisti dárejede júzege asyrmaǵan. Sonyń nátıjesinde memleket aktıvteri tıimsiz paıdalanýda.
Máselen, 2009 jyly Shyǵys Qazaqstan oblysynda Metallýrgııa ortalyǵyn qurýǵa qarjy-ekonomıkalyq negizdemesiz 500 mln. teńge bıýdjet qarjysy bólingen. Budan basqa, «Mıneraldyq shıkizatty keshendi qaıta óńdeý jónindegi ulttyq ortalyǵy» RMK Metallýrgııa ortalyǵyna 739,1 mln. teńgege jabdyq satyp alǵan. Baqylaý barysynda belgili bolǵandaı, jabdyq paıdalanbaǵan kúıi «Úlbi metallýrgııalyq zaýyty» AQ-nyń aýmaǵynda saqtalynyp kelgen.
«Mıneraldyq shıkizatty keshendi qaıta óńdeý jónindegi ulttyq ortalyǵy» RMK-nyń tájirıbelik-synaq kesheniniń ǵımarattary 2002 jyldan beri ózderiniń maqsaty boıynsha paıdalanbaı keledi. Bul rette tek 2009 jyly jáne 2010 jyldyń birinshi jartysynda ǵana olardy ustaýǵa jumsalǵan qarjy 6 mln. teńgeden asyp ketti.
Indýstrııa jáne jańa tehnologııalar mınıstrligi Óndiris komıtetiniń vedomstvolyq baǵynysty kásiporyndarynda ákimshilik shyǵystardyń bekitilgen normatıvteri kóp jaǵdaıda saqtalmaǵan.
Indýstrııa jáne jańa tehnologııalar mınıstrligi men onyń Óndiris komıteti jerde sırek kezdesetin metaldardy óndirý jáne ótkizý máselelerin úılestirip otyrmaǵan. Sonyń saldarynan respýblıkada ammonıı perrenatyndaǵy renııdi ótkizý tómendep, osmıı-187-ni óndirý júzege asyrylmaǵan. Sonymen birge joǵary tehnologııalyq óndiristiń álemdik naryǵynda sırek kezdesetin metaldarǵa degen suranys bar, al keıbir memleketterde ekonomıkalyq turaqtylyq qamtamasyz etýge qarjy-nesıe kuraldary ınstrýmentter retinde sırek kezedesetin metaldardyń ulttyq qorlary qurylýda.
Esep komıteti Indýstrııa jáne jańa tehnologııalar mınıstrligine sırek metaldardyń ulttyq qorlaryn qurý jónindegi sheteldik tájirıbeni eskere otyryp, sırek kezdesetin metaldardy tıimdi paıdalaný jóninde Úkimetke usynystar daıyndaýdy usyndy. Indýstrııa jáne jańa tehnologııalar mınıstrliginiń Óndiris komıtetine ındýstrııalyq-ınnovatsııalyq jobalardy iske asyrýǵa bólingen memleket aktvıterin basqarýdyń tıimdiligin arttyrý jóninde usynystar berildi.
