Esep komıteti «Samuryq-Qazyna» qory jumysynan mıllıardtaǵan qarjylyq buzýshylyqtardy anyqtady
«Memlekettik aýdıt 93 mlrd. teńgeden astam somany qamtydy. Ol eki baǵytta júrgizildi. Birinshi baǵyty Baraqty-Aqsaı, Almaty-Shý temir joly tarmaqtaryn, Quryq portynda parom keshenin salý, sonymen qatar «Qorǵas-Shyǵys qaqpasy» arnaıy ekonomıkalyq aımaǵyn qurý men damytý úshin «Samuryq-Qazyna» qorynyń jarǵylyq kapıtal ulǵaıtýǵa arnalǵan 049 memlekettik baǵdarlamasy boıynsha bólingen respýblıkalyq bıýdjet qarjysynyń paıdalanylýyna júrgizilgen aýdıt. Ekinshi baǵyt 2011-2015 jyldary aralyǵynda «Samuryq-Qazyna» qorynyń enshiles jáne táýeldi uıymdary aktsııalarynyń paketterin baǵaly qaǵazdar naryǵyna shyǵarý baǵdarlamasynyń iske asyrylýyna jumsalǵan memleket aktıvteriniń paıdalanylýyna memlekettik aýdıt. Jobalardyń júzege asyrylýyna qatysty aıtar bolsam, qarjy 2014 jyldan bastap 2016 jyldyń qyrkúıegine deıingi kezeńdi qamtıdy. memlekettik aýdıt barysynda anyqtalǵan qarjylyq buzýshylyqtardyń jalpy somasy 1,5 mlrd. teńgeni quraıdy. 1,3 mlrd. teńge tıimsiz jumsalǵan qarjy»,- dedi ol.
Onyń aıtýynsha, munan bólek, qor jumysynda qurylys-montajdaý jumystaryn jobalyq-qurylys qujattarynsyz júrgizý, jumystyń bastalýyn quziretti organdarǵa habarlamaý, negisiz aldyn ala aqsha bólý syndy protsedýralyq buzýshylyqtarǵa da jol bergen.
Sondaı-aq Aıgúl Muhametkárim qorǵa tıesi kompanııalardyń aktsııalaryn halyqtyq ІRO-ǵa shyǵarý baǵdarlamasynyń 2014 jyly qaıta túzetilip, odan keıin shyǵynǵa ushyraǵandyǵyn atap ótti. Baǵdarlama aıasynda bastapqyda kózdelgendeı 6 emes tek 2 ǵana kompanııanyń shyǵarylǵanyn aıtty.
Otyrys barysynda «Samuryq-Qazyna» UÁQ» AQ qarjy jáne operatsııalar jónindegi basqarýshy dırektorynyń mindetin atqarýshy Ernar Janádil men «Qazaqstan temir joly» UK» AQ-nyń bas ınjeneri Baýyrjan Orynbasarov sóz sóılep, memlekettik aýdıt barysynda anyqtalǵan buzýshylyqtarǵa qatysty túsinikteme berdi.
Aıta keteıik, búgin respýblıkalyq bıýdjettiń atqarylýyn baqylaý jónindegi esep komıtetiniń otyrysynda ulttyq ekonomıkanyń básekege qabilettiligi men turaqtylyǵyn qamtamasyz etý úshin «Samuryq-Qazyna» UÁQ-nyń jarǵylyq kapıtalyn ulǵaıtýǵa bólingen respýblıkalyq bıýdjet qarajatyna, sonymen qatar atalǵan qorǵa enshiles jáne táýeldi uıymdary aktsııalarynyń paketterin baǵaly qaǵazdar naryǵyna shyǵarý baǵdarlamasynyń iske asyrylýyna jumsalǵan memleket aktıvteriniń paıdalanylýyna memlekettik aýdıttiń qorytyndysy qaraldy.
