Esep komıteti: Kvazımemlekettik sektor tıimdiligi baıqalmaı tur

NUR-SULTAN. QazAqparat – Memleket basshysy Qasym-Jomart Toqaevtyń Qazaqstan halqyna byltyrǵy Joldaýynda kvazımemlekettik sektor jumysynyń tıimdiligin arttyrýdy tapsyrǵan edi. Alaıda Esep komıtetiniń basshysy Natalıa Godýnovanyń aıtýynsha, bul baǵyttaǵy jumystyń tıimdiligi ázirge baıqalmaıdy, dep habarlaıdy QazAqparat tilshisi.

«2007 jyldan bastap 2019 jylǵa deıin holdıngterge ulttyq resýrstardyń esebinen 7,5 trln teńge berilgen. Bul – el bıýdjetiniń 7 eselengen kólemine teń. Onymen qoımaı, holdıngterdiń bul qarajatty jalpyulttyq maqsatqa jumsaýyna monıtorıng júrgizilmeıdi. Bul jerde kvazımemlekettik sýbektilerdiń árbiriniń rólin aıqyndaý kerek», - dedi Natalıa Godýnova Parlament Senatynyń otyrysynda.

Onyń aıtýynsha, respýblıkalyq bıýdjet memlekettik kompanııalardyń tabys kózine aınalǵan.

«Aqyry memleketten qoldaý alýy tıis qarapaıym kásipker joǵarylatylǵan stavkamen nesıe alýǵa májbúr», - dedi ol.