«Esep komıteti esin shyǵardy» - respýblıkalyq basylymdarǵa sholý
***
Keshe QR Prezıdenti Nursultan Nazarbaev elimizge tuńǵysh resmı saparmen kelgen Monako Knıazi Alber ІІ-men kezdesti. Onda áriptestik qatynastardy óristetýdiń múmkindikteri talqylandy. Osy jaıt arqaý bolǵan maqala «Egemen Qazaqstan» gazetiniń senbilik sanynda «Qazaqstan-Monako: Ózara baılanystardy óristetýge alǵashqy qadam» degen taqyryppen berilgen. Basylymnyń atap ótýinshe, bul Monako Knıazi Alber ІІ-niń eki memleket arasynda dıplomatııalyq qatynastar ornaǵannan bergi kezeńdegi Qazaqstanǵa jasaǵan alǵashqy resmı sapary bolǵandyqtan, sapar barysynda taraptar joǵary deńgeıdegi baılanystardy ornatý jáne ekijaqty yntymaqtastyqtyń bolashaǵyn aıqyndaý máselelerine aıryqsha nazar aýdardy.
***
«Alash aınasy» gazetiniń búgingi sanynynyń turaqty "Dat" aıdarynda Nurǵalı Núsipjanovpen suhbat júrgizilgen. «Ulttyq qadir-qasıetti qaster tutatyn qaýym azaıyp barady» dep atalatyn suhbatta QR halyq ártisi: «Qazir Respýblıka saraıynda kontsert ótkizý úshin 4-5 mıllıon teńgege deıin aqy tóleý kerek. Mundaı nárse áý bastan qaıdan shyqty ózi? Jáne ol jaıly beker áńgime qozǵap otyrǵanym joq. Sebebi men ol ǵımarattyń eń alǵash irgetasy qalaı qalanǵanyn kózben kórgen adammyn. Kúlli qazaq áli kúnge qaster tutatyn Dımekeń sol Respýblıka saraıyn salý úshin nebir janqııarlyq áreketterge bardy. Ol kezde Máskeý qazaqqa yryq bere bermeıtin. Sonyń ózinde áıteýir jolyn taýyp, bıýdjettiń ıgerilmegen aqshalaryn kásipodaqqa aýdaryp otyryp, jyldap jınap, mine, elge sondaı aýadaı qajet saraıdy saldyrdy. Sóıtti de, ony Mádenıet mınıstrliginiń quzyryna berdi. Qazir uqpaıtynym, nege sondaı halyqqa ortaq ıgilik ornyn jeke bireýge berip, endi soǵan táýeldi bolyp otyrmyz? Ne úshin óz elinde, óz jurtyna ónerin syılaımyn degen adam ol úshin aqy tóleýge tıis?», - dep qynjylys bildirgen.
***
«Respýblıkalyq bıýdjettiń atqarylýyn baqylaý jónindegi esep komıteti elimizdegi bilim salasyn 2011-2020 jyldary damytý jónindegi memlekettik baǵdarlamasyna bólingen bıýdjet qarjysyn paıdalanýda 18 mıllıard teńgeden astam qarajat buzýshylyqtaryn anyqtady», - dep jazady «Aıqyn» gazeti. Basylymnyń atap ótýinshe, bilim nysandarynyń qurylysy barysyndaǵy kóptegen zań buzýshylyqtar, qurylys merzimderin buzý, ınvestjobalardy qymbattatý, jumystardyń oryndalmaǵan kólemderi úshin tólem jasaý, jabdyqtardy jetkizý merzimderin saqtamaý faktileri anyqtalǵan. Maqala «Esep komıteti esin shyǵardy» degen taqyryppen berilgen.
***
«Horgos» pen «Qordaı» keden beketterin bıznes-qurylymdar qaramaǵyna berý kerek. «Vremıa» gazetiniń jazýynsha, «Atameken» Odaǵy» UEK basqarmasynyń tóraǵasy Abylaı Myrzahmetov dál osyndaı usynys jasapty. Bul rette ol keden beketteri bıznes qurylymdardyń basqarýyna berilgen Túrkııany úlgi retinde alǵa tartyp otyr. «Kedenshiler ol jerlerde de bar ári tek ózderiniń nusqaýlyǵyn júzege asyrady. Al barlyq ınfraqurylym, ıaǵnı qansha ótkel qoıý kerek, qandaı avtoturaq qajet degen syndy jaıttardyń barlyǵyn kásipkerlerdiń ózderi sheshedi. Ol jaqta osy protsedýralardyń barlyǵy 8 ese, al keden arqyly taýar aınalymy 4 ese ulǵaıǵan», - deıdi A.Myrzahmetov.
***
«Ekspress K» basylymnyń jazýynsha, Soltústik Qazaqstan oblysynda kópbalaly otbasylar sany kún sanap artyp kele jatyr. Máselen, 2006-2008 jyldary dúnıege kelgen barlyq sábılerdiń jartysy otbasynyń tuńǵyshy bolǵan. Al qazirgi ýaqytta dúnıege kelip jatqan sábıler bir úıdiń ekinshi, úshinshi, tórtinshi, besinshi, tipti altynshy balalary. Al osy óńirdegi eń baqytty otbasynyń jubaıy 10-shy sábıin dúnıege ákelipti. «Ol kezde onyń jasy 34-ke tolǵan. Aıtpaqshy, kelesi sábıin dúnıege ákelý analardyń jasyn da kúrt ósirdi. Máselen, taıaýda 4-shi balasyn dúnıege ákelgen ananyń jasy 45-ten asyp ketken», - dep jazady basylym.
