Esep komıteti: Elimizdegi kólik jobalarynyń 5,7 mlrd. teńgesi tıimsiz paıdalanylǵan
«QazAvtoJol» UK» AQ-nyń oblystyq fılıaldarymen 17,9 mlrd. teńgege avtojoldardy salý jáne qaıta jańǵyrtý barysyndaǵy jumystar memlekettik sáýlet-qurylys baqylaý ári qadaǵalaý organdarynyń eskertýinsiz, 569,8 mln.teńge somasyna tehnıkalyq jáne avtorlyq baqylaý qujattarynsyz júrgzilgen», - delingen habarlamada.
Sonymen qatar vedomstvo «Astana LRT» JShS Astana qalasyndaǵy jańa kólik júıesi» jobasyn júzege asyrý barysynda jetkizilmegen qural-jabdyqtar úshin «Qulager» BK» JShS-ine 9,8 mlrd. teńge tólegendigin, kelisimsharttyń buzylýyna qaramastan jetkizýshiniń atalǵan debıtorlyq boryshty qaıtarmaǵandyǵyn atap ótken.
Jalpy, komıtet 199,4 mlrd. teńgeniń bıýdjettik jáne ózge de zańbuzýshylyqtary oryn alǵanyn, onyń ishinde 5,7 mlrd. teńgeniń tıimsiz paıdalanylǵanyn eskertken.
«QazAvtoJol» AQ-nyń óńirlik fılıaldarynyń úsh jaýapty tulǵasy ákimshilik jaýapkershilikke tartyldy. Materıaldarǵa jaýapty nysandardyń tórt laýazymdy tulǵasyna qatysty materıaldar ákimshilik is qozǵaý úshin ókiletti organdarǵa berildi», - delingen komıtet aqparatynda.