Esep komıteti Bilim mınıstrliginiń shyǵystaryna aýdıt júrgizedi
NUR-SULTAN. QazAqparat - Respýblıkalyq bıýdjettiń atqarylýyn baqylaý jónindegi esep komıteti Bilim jáne ǵylym mınıstrliginiń shyǵystaryna aýdıt júrgizýge qatysty depýtattyq saýalǵa jaýap berdi, dep habarlaıdy QazAqparat tilshisi.
«Respýblıkalyq bıýdjettiń atqarylýyn baqylaý jónindegi esep komıteti mektepterdi aqparattandyrýǵa 27,2 mlrd teńge bıýdjet qarajatynyń jáne «Orta bilim berýdi jańǵyrtý» jobasyn iske asyrýǵa memleket atynan tartylǵan halyqaralyq qaryzdar (2017 jyly alynǵan Dúnıejúzilik banktiń qaryzy) aıasynda qarjylandyrylǵan 67 mln AQSh dollarynyń paıdalanylý tıimdiligine tekserý taǵaıyndaýǵa qatysty mynany habarlaıdy. Memlekettik aýdıt obektileriniń 2020 jylǵa arnalǵan tizbesine sáıkes, Esep komıteti respýblıkalyq bıýdjetten óńirlerge berilgen, sonyń ishinde daǵdarysqa qarsy sharalarǵa baǵyttalǵan jalpy sıpattaǵy transfertter men nysanaly transfertterdi josparlaý men paıdalanýdyń tıimdiligine
memlekettik aýdıt júrgizýdi josparlaǵan (aıaqtalý merzimi – aǵymdaǵy jylǵy IV toqsan)», - delingen Esep komıtetiniń tóraıymy Natalıa Godýnovanyń jaýabynda.
Onyń atap ótýinshe, osyǵan baılanysty 27,2 mlrd teńge kólemindegi qarajat osy aýdıtorlyq is-shara aıasynda qaralatyn bolady.
«Aýdıttiń nátıjeleri Esep komıtetiniń 2020 jyldyń IV toqsanynyń qorytyndylary boıynsha atqarylǵan jumysy týraly aqparat quramynda Parlamentke jiberiledi.
«Orta bilim berýdi jańǵyrtý» jobasyn qarjylandyrýǵa Dúnıejúzilik banktiń 67 mln dollar qaryz qarajatynyń paıdalanylýyna aýdıt júrgizý Esep komıteti Memlekettik aýdıt obektileriniń 2021 jylǵa arnalǵan tizbesin qalyptastyrý kezinde eskeretinin qosymsha atap ótemiz», - dedi ol.
