Esep komıteti «Astana EKSPO-2017» ulttyq kompanııasyn tekseredi

ASTANA. QazAqparat - Esep komıteti «Astana EKSPO-2017» ulttyq kompanııasyn tekseredi. Bul týraly Senattaǵy «Teńdestirilgen jáne ashyq bıýdjet - eldiń tabysty jáne ornyqty áleýmettik-ekonomıkalyq damýynyń kepili» atty parlamenttik tyńdaýda Respýblıkalyq bıýdjettiń atqarylýyn baqylaý jónindegi esep komıtetiniń múshesi Aıgúl Muhametkárim málim etti, dep habarlaıdy QazAqparat.

«Astana EKSPO-2017» ulttyq kompanııasynda jáne basqa kompanııalarda memlekettik aýdıt josparlanǵan»,-dedi A. Muhametkárim.

Onyń sózine qaraǵanda, aǵymdaǵy jyly «Nurly jol» memlekettik baǵdarlamasyn júzege asyrý barysyna aralyq baǵalaý júrgiziledi. Sonymen qatar osy sharalarmen ortalyq memlekettik organdardyń strategııalyq josparlary da qamtylady.

Parlamenttik tyńdaý barysynda sóz sóılegen Senat tóraǵasy Qasym-Jomart Toqaev bıýdjettik qarjynyń ysyrap etýge jol berilmeýi tıis ekenin qadap aıtty. «Basty ekpin bıýdjet shyǵystarynyń tıimdiligin arttyrýǵa negizdelýi tıis. Bıýdjet shyǵystaryna qatysty qadam tyńǵylyqty pysyqtalyp, qarjy eń qajetti salalarǵa baǵyttalýy kerek. Shekten tys ysyrapqa jol berilmeýi qajet», - dep toqtaldy Q. Toqaev.