Esep komıteti 270 mlrd. teńgeniń zań buzýshylyqtaryn anyqtady

Búgin QR Parlamenti Májilisiniń jalpy otyrysynda 2011 jylǵy respýblıkalyq bıýdjettiń atqarylýy týraly Úkimet esebin talqylaý barysynda Esep komıtetiniń tóraǵasy Omarhan Óksikbaev osylaı málim etti.

Esep komıteti byltyrǵy jyly 264 nysanda barlyǵy 42 baqylaý sharasyn júrgizdi.

«Bul rette, jalpy somasy 270 mlrd. teńgeniń bıýdjettik jáne basqa da zańnamalardyń buzýshylyqtary anyqtaldy. Ótelýge jatatyn 5,8 mlrd. teńgeniń 2,7 mlrd. teńgesi 2011 jyly qalpyna keltirildi. Quqyq qorǵaý organdaryna is-júrgizý úshin 45 baqylaý materıaldaryn jónelttik. 40 usynym men 256 sheshim joldanyp, olardyń 54 paıyzy oryndaldy», - deıdi O. Óksikbaev.