Esep komıteti 2009 jylǵy bıýdjettiń atqarylýy týraly esepti Parlamentke usyndy

dep habarlaıdy QazAqparat.

2009 jylǵy respýblıkalyq bıýdjettiń atqarylýy týraly Esep komıtetiniń esebi QR Konstıtýtsııasynyń 53-babyna sáıkes Parlament palatalarynda qaralyp, palatalardyń birlesken otyrysynda bekitýge engiziletin bolady. Eseptiń birinshi bóliminde respýblıkalyq bıýdjettiń atqarylýyna taldaý jasalǵan. Osy bólimde kiristerdiń túsimderi, shyǵyndardyń atqarylýy, bıýdjettik kredıtterdiń paıdalanýy men ótelýi, memlekettiń qarjy aktıvteriniń satyp alynýy men satylýy, bıýdjettiń tapshylyǵy men ony qarjylandyrýdyń kózderi jóninde taldaý derekteri keltirilgen.

Ekinshi bólimde «2009-2011 jyldarǵa arnalǵan respýblıkalyq bıýdjet týraly» Qazaqstan Respýblıkasy Zańy baptarynyń bıýdjet júıesiniń prıntsıpterine sáıkes atqarylýyna, sondaı-aq respýblıkalyq bıýdjettiń kiris jáne shyǵys bólikteriniń atqarylý tıimdiligine baǵa berilgen.

Respýblıkalyq bıýdjettiń jalpy alǵanda ekonomıkaǵa jáne memlekettik, sondaı-aq salalyq baǵdarlamalardy, ınvestıtsııalyq jobalardy iske asyrý, bıýdjettik kredıtter men nysanaly transfertterdi berý, sondaı-aq memlekettiń qarjy aktıvterin paıdalaný arqyly ekonomıkanyń jekelegen salalaryna tıgizgen áserine taldaý jasalyndy.

Ekonomıka men qarjy júıesin turaqtandyrýǵa, sondaı-aq «Jol kartasyn» iske asyrýǵa bólingen memleket qarajatyn paıdalanýdyń tıimdiligine baǵa berilgen.

Úshinshi bólim bıýdjet qarajaty men memleket aktıvterin basqarý tetikteriniń tıimdiligin arttyrý jónindegi Esep komıtetiniń tujyrymdary men usynystaryn qamtıdy.

Esep komıteti Bıýdjet kodeksiniń 141-babyna sáıkes, óziniń mazmuny jaǵynan Úkimettiń esebi boıynsha qorytyndy bolyp tabylatyn respýblıkalyq bıýdjettiń atqarylýy týraly ótken qarjy jylynyń esebin mamyrdyń 15-ine deıin QR Parlamentine usynady.