Esep komıteti 20 jyldyq qyzmetin qorytyndylady (FOTO)

ASTANA. QazAqparat - Respýblıkalyq bıýdjettiń atqarylýyn baqylaý jónindegi Esep komıteti búgin qyzmetiniń 20 jyldyǵyn atap ótti. Komıtet tóraǵasy Qozykórpesh Jańbyrshın komıtettiń alǵashqy tóraǵalaryna sóz berip, komıtettiń ardager qyzmetkerlerine vedomstvolyq marapattar tabys etti. Q.Jańbyrshınniń pikirinshe, osydan 20 jyl buryn osyndaı komıtet qurý jónindegi Prezıdenttiń Jarlyǵy Qazaqstannyń qarjy júıesiniń jańa bir paraǵy edi.

«Respýblıkalyq bıýdjettiń atqarylýyn baqylaý jónindegi Esep komıteti týraly» erejeni bekitý týraly» Memleket basshysy Nursultan Nazarbaevtyń 1996 jylǵy 19 sáýirdegi Jarlyǵymen memlekettik-qarjylyq baqylaý salasyndaǵy qazaqstandyq júıeniń damý tarıhynda jańa bir paraq ashyldy»,-deıdi Q.Jańbyrshın.

«Esep komıteti 20 jyl ishinde 734 baqylaý is-sharasyn júrgizip, 6064 obektini tekserdi. Osylaısha, baqylanǵan bıýdjet qarajaty men memleket aktıvteriniń kólemi 26,0 trln teńgeden astam qarajatty quraǵan. Jalpy somasy 4,0 trln teńgeden astam quqyq buzýshylyq anyqtalyp, 316,0 mlrd teńgeden astam bıýdjet qarajaty qalpyna keltirildi. Esep komıtetiniń tıimdi jumysyn myna málimetke qarap bilýge bolady: osy ýaqyt ishinde esep komıtetiniń jumysyna 9 mlrd teńge tartylǵan. Al, qalpyna kelgen bıýdjet qarajaty joǵaryda aıtqanymaı, 316,0 mlrd teńgeni qurady»,-dedi 20 jyldyń jumysyn qorytyndylaı kele Q.Jańbyrshın.

Aıta keteıik, shara barysynda Komıtet tóraǵasy Memleket basshysy Nursultan Nazarbaev respýblıkalyq bıýdjetti baqylaý jónindegi esep komıtetiniń ujymyna arnalǵan quttyqtaýdy oqydy.