Esep bergende qyzmetkerlerdiń sanyn kórsetpeıtin jumys berýshi olardyń quqyǵyn buzady

NUR-SULTAN. QazAqparat - Jumys berýshi qyzmetkerler úshin ýaqytyly aýdarym jasamaǵan jaǵdaıda ol olardyń quqyǵyn buzady. Óıtkeni bul zeınetkerlik ótilin jáne zeınetaqynyń mólsherin anyqtaýǵa, sondaı-aq azamattardy áleýmettik qoldaýdyń basqa sharalaryna áser etedi, dep habarlaıdy QazAqparat Memlekettik kirister komıtetine silteme jasap.

Memlekettik kirister komıteti jumys berýshiler jeke tabys salyǵy boıynsha deklaratsııasynda qyzmetkerlerdiń tolyqtaı kórsetilýine avtomattandyrylǵan baqylaýdy bastady.

Bul rásim QR elektrondyq eńbek kelisimshartyn esepke alýdyń biryńǵaı júıesinde tirkelgen eńbek kelisimsharty negizinde júzege asyrylady.

Sondyqtan, Memlekettik kirister komıteti salyq esepbinde barlyq qyzmetkerlerdi, olardyń naqty kirisin jáne zeınetaqy jarnasy men áleýmettik tólem aýdarymy tolyq kórsetilýi qajettigin eske salady.

Tek bıyldyń ózinde jumys berýshilerge 706 myń qyzmetkerge qatysty 46 myńǵa jýyq buzýshylyq týraly habarlama joldandy.

Atap aıtqanda, 41 myń jumys berýshi óz qyzmetkerlerin kórsetpeıdi, 5 myń jumys berýshi 150 myń jumyskerdi salyq esebinde kórsetpeı tapsyrady.

Eske sala keteıik, ekonomıkanyń jekelegen salalary úshin 2020 jyldyń 31 jeltoqsanyna deıin jalaqy qorynan jeke tabys salyǵy men áleýmettik tólemderdi tóleýden bosatý engizilgen bolatyn.