Esentaı ózeniniń jaǵalaýy qoqystan tazartyldy
ALMATY. KAZINFORM - Almatylyq volonterlar men ekobelsendiler Esentaı ózeniniń jaǵalaýyn retke keltirdi. Ekologııalyq shara «Almaty-bizdiń ortaq úıimiz» naýqany aıasynda ótti.
300-den astam adam ózen boıyn qoqystan tazartyp, jaǵalaýdaǵy serýendeý joldary men gúlzar qorshaýlaryn jáne oryndyqtardy syrlady. Jumystar Abaı dańǵylynan Raıymbek batyr dańǵylyna deıingi jaǵalaý ýchaskesin qamtydy.
Qatysýshylardyń basym bóligi-jastar. Qoǵamdyq ekologııalyq uıymynyń ókili Kamıla Akımbekova mundaı is - sharaǵa birneshe ret qatysqanyn aıtty.
«Bizdiń ekologııalyq uıym aktsııaǵa júzge jýyq adamdy jınady. Stýdentter de, qarapaıym qala turǵyndary da keldi. Biz qoqysty eki topqa suryptaımyz. Qaıta óńdeýge jiberýge bolatyn nárseni biz ártúrli túrlerge bólemiz: plastık, shyny, alıýmınıı. Sodan keıin biz qoqys qaldyqtaryn qaıta óńdeıtin kompanııaǵa beremiz. Búginde almatylyqtardy tazartý jáne qaldyqtardy bólek jınaý mádenıetin qalyptastyrý óte mańyzdy», - deıdi Kamıla.
Aıta keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
