Esentaı ózeninde kir kópirshiktiń qaıdan kelgeni tekserilip jatyr
ALMATY. QazAqparat - Almatyda Esentaı ózeninde kir kóbik paıda boldy. Mamandar saraptama júrgizýde, dep habarlaıdy QazAqparat tilshisi.
Esentaı ózenindegi «sabynǵa» uqsas las kóbiktiń sýretterin Facebook -te almatylyq Olga Gýmırova jarııalady. Onyń aıtýynsha, bul bul birinshi ret emes.
«15 mamyr kúni shamamen keshki saǵat 16-da ózenniń betinde kóbik paıda boldy. Tanys sanıtar dárigerdiń paıymdaýynsha, ózenge joldy óndeıtin reagent aǵyp kelgen»,– dep jazdy ol.
Osyǵan baılanysty qalanyń jasyl ekonomıka basqarmasy 19 mamyrda kóshpeli jıyn uıymdastyrdy.
«Jıynǵa qalanyń jasyl ekonomıka basqarmasy, Medeý jáne Bostandyq aýdany ákimdikteri, sanıtarlyq-epıdemıologııalyq qadaǵalaý basqarmasynyń qyzmetkerleri men ótinish berýshiler qatysty. Zertteý júrgizý úshin sý men kóbik synamasyn alý týraly sheshim qabyldandy. Taldaý nátıjesi boıynsha tıisti sharalar qabyldanady», - dep tolyqtyrdy basqarmadan.
