Esentaevqa qatysty appelıatsııalyq shaǵymnyń sheshimi 20 jeltoqsanda jarııalanady
TALDYQORǴAN. QazAqparat - Búgin Almaty oblystyq sotynda Baqytbek Esentaevqa qatysty appelıatsııalyq shaǵym qaraldy. Endi naqty sheshim 20 jeltoqsanda saǵat 10:00-de jarııalanatyn bolady, - dep habarlaıdy QazAqparat tilshisi.
Al Baıan Esentaevanyń qorǵaýshysy Marat Asqarbekov appelıatsııalyq shaǵymǵa qatysty pikirin bildirgen joq.
«Ózimiz de bilmeı turmyz, ne bolatynyn. Tek jaqsylyqty kútemiz», - dep qysqa qaıyrdy. Sondaı-aq onyń sózinshe, búgingi sot otyrysyna Baıan Maqsatqyzy kelmedi.
Aıta keteıik, 9 jylǵa bas bostandyǵynan aıyrylǵan Baqytbek Esentaevqa shyǵarǵan sot úkimimen kelispegen qos taraptyń qorǵaýshylary appelıatsııalyq shaǵym túsirgen bolatyn. Baqytbek Esentaevtyń advokaty Bekbolat Jekseıitov, sýdıa durys sheshim shyǵarmaǵany jóninde aıtqan edi. Onyń pikirinshe, Esentaev óziniń burynǵy áıeli Baıan Esentaevany óltirýge oqtalmaǵan.
Esterińizge sala keteıik, Baqytbek Esentaev adam óltirýge oqtalý baby boıynsha kináli dep tanylǵan bolatyn.
