Esentaev isi: Alqa bıler anyqtaldy, sot ekide jalǵasady

TALDYQORǴAN. QazAqparat - Baqytbek Esentaevtyń qorǵaýshysy Bekbolat Jaqseıitov Taldyqorǵandaǵy sot otyrysy saǵat ekide jalǵasatyndyǵyn málim etti, dep habarlaıdy QazAqparat tilshisi.

Alqa bıler músheleri anyqtalyp boldy.

Esterińizge sala keteıik, Almaty oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Baqytbek Esentaevqa qatysty is  jabyq rejımde ótip jatyr. 

B. Esentaev QR QK-niń 24-bap 3-bólimi, 99-baptyń 2-bólimi 10-tarmaǵy (zorlaýmen nemese seksýaldyq sıpattaǵy zorlyq-zombylyq áreketterimen ushtasqan adam óltirýge oqtalý) 120-baptyń 1-bólimi (zorlaý) 121-baptyń 1-bólimi (seksýaldyq sıpattaǵy zorlyq-zombylyq áreketteri)  boıynsha aıyp taǵylǵany belgili boldy.

Baıan Maqsatqyzy maýsymnyń 10 kúni birneshe jerden pyshaqtalyp, aýyr jaraqatpen Talǵar aýdanyndaǵy aýrýhanaǵa túsken bolatyn. Belgili  prodıýser, eki balanyń anasy Baıan Maqsatqyzyn  óziniń kúıeýi óltirmek boldy degen kúdikpen Baqytbek Esentaev ustalyp, qamaýǵa alyndy. Sondaı-aq qazirgi  tańda Baıan burynǵy tegine qaıta oralǵan syńaıly. Ol áleýmettik jelidegi paraqshalaryna Baıan Maqsatqyzy degen ózgeris engizgen.