Esenberlınniń arqasynda Qazaq eliniń tarıhy men memlekettiligi álemge tanyldy - J. Erǵalıev
ASTANA. QazAqparat - Búgin QR Memleket tarıhy ınstıtýtynda І.Esenberlınniń 100 jyldyǵyna arnalǵan «Qazaq handyǵynyń jarshysy» atty dóńgelik ústel ótti.
Dóńgelek ústeldiń basty maqsaty qazaqtyń áıgili jazýshysy Іlııas Esenberlınniń ómirlik joly arqyly patrıotızm úlgisin kórsetip, onyń shyǵarmalarynyń tarıhı rólin anyqtaý bolyp otyr. Іlııas Esenberlın - qazaq ádebıetinde ónimdi eńbek etken asa kórnekti jazýshylardyń biri, aqyn, stsenarıst, dramatýrg, Qazaq KSR-nyń Memlekettik syılyǵynyń laýreaty. «Kóshpendiler» trılogııasynyń arqasynda ol búkil álemge tanymal adamǵa aınaldy. Ósip kele jatqan jas býyndardyń boıynda qazaqstandyq patrıotızm sezimin qalyptastyrý úshin І.Esenberlın shyǵarmalary óte mańyzdy.
Dóńgelek ústeldiń qatysýshylary jazýshynyń ómiri, qyzmetine qatysty barlyq derekterdi qarastyryp, jańa kitapta sýrettelgen oqıǵalarǵa da laıyqty baǵa beriledi.
«Esenberlınniń ómiriniń arqasynda, Esenberlınniń shyǵarmashylyǵynyń arqasynda Qazaq eliniń tarıhyn, bizdiń memlekettigimizdiń tarıhyn, bizdiń ádebıetimizdi, ónerimizdi, táýelsizdigimizdi búkil álemge tanyta aldyq. Sonymen qatar, ıÝNESKO aıasynda 100 jyldyǵy atalyp ótilip jatqan Esenberlın mereıtoıy da buǵan septigin tıgizeri anyq», - dedi jıyn barysynda senator Jabal Erǵalıev.
Degenmen, depýtat kúni búginge deıin qoǵamda saıası qaıratker, jazýshy hám tarıhshy retindegi І. Esenberlın tulǵasy tolyq ashylmaı otyrǵanyna da toqtalyp ótti.
