Esek etin saýdalaǵan kásipker sottalatyn boldy
BІShKEK. QazAqparat - Talaıdyń ashý-yzasyn týdyrǵan atyshýly qyrǵyz kásipkeri esek etin daıyndap, úlken kólemde saýdalaǵany úshin sot aldynda jaýap beretin boldy, dep habarlaıdy QazAqparat HAA tilshisi.
Oǵan zańsyz kásipkerlikpen aınalysty degen aıyp taǵylyp otyr.
««Kaı-Tal» jaýapkershiligi shekteýli qoǵamdastyǵynyń (JShQ) dırektory Almaz Taqyrbashevqa qarsy naýryz aıynda zańsyz kásipkerlikpen aınalysý faktisi boıynsha qylmystyq is qozǵalǵan bolatyn. 17 sáýir kúni zertteý aıaqtaldy. Qazirgi tańda is sotqa joldandy», delingen ekonomıkalyq qylmysqa qarsy memlekettik qyzmettiń baspasóz qyzmeti joldaǵan málimdemede.
