Esbolat Aıdabosynnyń «Búkir» romany Mecenat.kz ádebı syılyǵyn jeńip aldy
ASTANA. KAZINFORM – QR Ulttyq akademııalyq kitaphanasynda Mecenat.kz ádebı syılyǵynyń besinshi maýsymynyń jeńimpazyn marapattaý rásimi ótti.
Mecenat.kz ádebı syılyǵy – qazirgi Qazaqstan týraly úzdik romanǵa beriletin jyl saıynǵy ádebı marapat.
Joba otandyq kórkem ádebıetti damytýǵa, qalamgerlerdi qoldaýǵa, oqyrman qyzyǵýshylyǵyn arttyrýǵa jáne qazaqstandyq shyǵarmalardy halyqaralyq deńgeıde tanytýǵa baǵyttalǵan táýelsiz azamattyq bastama sanalady.
Bıyl baıqaýǵa 33 ótinim túsken.
Besinshi maýsymnyń qorytyndysy boıynsha jazýshy Esbolat Aıdabosyn «Búkir» romany úshin jeńimpaz atandy.
«Búkir» romany jylqy taǵdyry arqyly adam qadiri, áleýmettik teńsizdik, ar-namys pen rýhanı izdenis máselelerin arqaý etedi.
Jeńimpazǵa Freedom Life ómirdi saqtandyrý kompanııasy Qazaqstan Ulttyq bankiniń tólem jasalǵan kúngi baǵamyna sáıkes ómir boıy aı saıyn 500 AQSh dollary kóleminde tólenetin erikti annýıtettik saqtandyrý polısin tabystady.
Іs-sharaǵa Mádenıet jáne aqparat vıtse-mınıstri Rústem Álı, syılyq metsenaty ári Freedom Holding Corp. bas atqarýshy dırektory Tımýr Týrlov, joba negizin qalaýshy Erlan Asqarbekov, baıqaýǵa qatysýshylar men oqyrmandar qatysty.
Saltanatty rásim barysynda besinshi jáne altynshy maýsymdaǵy jańashyldyqtar tanystyrylyp, baıqaýdyń bes maýsymy týraly derekti fılm kórsetildi.
Aıta keteıik, maıdangerler erligine arnalǵan kitap kórmesi ótti.
