«eSalyq» mobıldi qosymshasy arqyly salyqty qalaı qatesiz tóleýge bolady
«Bıýdjettik jáne salyqtyq zańnamaǵa sáıkes salyqtyń ár túriniń óz rekvızıti bar. Qazirgi tańda 3 myńnan asa rekvızıttiń ishinde salyq tóleýshi ózine qajetti tórteýin kórsetýi kerek. Olar: bıýdjettik kodtyń klassıfıkatsııasy, tólem taǵaıyndaý kody, benefıtsıardyń BIN-i men soma. Rekvızıttiń kóptiginen bıýdjetke tólem durys aýdarylmaýy múmkin. Osyǵan baılanysty qalyptasqan bıýdjettik, qazynashylyq, bank júıelerine tıispeı, jańa salyqtyq ámııan qaǵıdatyn engizý týraly sheshim qabyldandy», - dedi OKQ-da ótken baspasóz máslıhatynda Memlekettik kirister komıteti tóraǵasynyń orynbasary Talǵat Mamaev.
Osylaısha, bıyl Memlekettik kirister komıteti «eSalyq» mobıldi qosymshasyndaǵy «Salyq əmııany» qyzmetin iske qosyp otyr.
«Ol kóptegen məlimetterdi toltyrýdyń qıyndyǵyna baılanysty salyqtardy qate tóleý problemalaryn joıady. Qosymshany App Store jəne Play Market-ten tegin júkteýge bolady. Salyq əmııany negizsiz aıyppuldardy joıyp, qaıtarymdar men ınkassalyq ókimderdiń sanyn azaıtady, salyq tóleýshiniń shyǵyndaryn qysqartyp, ýaqytyn únemdeıdi. Bankterdiń komıssııalyq alymdaryn tólemeı, salyqtardy tóleýge bolady», - dedi komıtet ókili.
Onyń aıtýynsha, jeke tulǵalar men kəsipkerlerge «salyq əmııanyn» toltyrý arqyly balama salyqtardy tóleýge múmkindik bar. Əmııandaǵy aqsha avtomatty túrde salyq mindettemeleri paıda bolǵan salyqtarǵa esepteledi.
«Siz bıýdjetke aǵymdaǵy jəne aldaǵy mindettemelerdi salyqtar jəne memlekettik kirister organdary turǵysynan qaraı alasyz. Múlik, jer jəne kólik salyqtary boıynsha salyq salý obektileri týraly məlimetterdi kórýge bolady», - dep túıdi Talǵat Mamaev.
