Erjúrek áıel Astana mańynda bolǵan órtten eki er adamdy aman alyp qaldy
ASTANA. QazAqparat - Senbi, keshke qaraı Astana mańyndaǵy Qosshy aýylyndaǵy meshitke jaqyn jerde qurylysshylar turyp jatqan vagon otqa orandy.
«Men kóshede kıim-keshekterdi jaıyp turǵan edim, sol kezde vagonnan shyqqan tútin men onyń esiginiń janyp jatqanyn baıqap qaldym. Odan keıin bári qas-qaǵym sátte boldy», - dedi QazAqparat tilshisine ETs-166/22 túzetý mekemesiniń qyzmetkeri Raısa Kálenova.
Leıtenant R.Kálenova shuǵyl uıaly telefon arqyly órt sóndirý bólimin shaqyryp, al ózi otqa oranǵan vagonǵa qaraı júgirgen.
Erjúrek áıel der kezinde kómekke úlgerip, lapyldaǵan jalynǵa qaramastan eki er adamdy alyp shyqqan. Іzinshe gaz ballony jarylyp, vagonnyń tóbesin julyp ketken.
